曾經有人話，全世界最好味嘅牛腩，非香港莫屬！講起牛腩，位於上環嘅「九記牛腩」絕對係香港牛腩界嘅代表！已經有九十多年歷史嘅「九記牛腩」以清湯牛腩同埋咖喱牛腩聞名，佢哋嘅獨家湯底以中藥配方製成，非常有特色！

https://www.instagram.com/p/Bi66ULrANgS/

「九記牛腩」曾獲多個報章雜誌介紹，每次經過都會見到門口大排長龍，而且仲吸引咗唔少名人專程去食！好多大明星，例如周潤發、金城武、陳奕迅、劉嘉玲、梁朝偉等等都係九記牛腩嘅粉絲，老闆仲話連前任香港特區行政長官曾蔭權三代都係佢哋嘅食客，簡直就係名人食堂！

https://www.instagram.com/p/CF4pQ2OhlEO/

九記嘅牛腩出名份量多又好食！當中嘅咖喱牛腩更加係推介之選，軟嫩牛腩配埋香濃咖哩製成，微辣嘅咖哩同牛味好夾，濃稠度亦啱啱好。佢哋嘅牛腩軟中帶韌，口感彈牙，而且保留咗牛腩嘅原汁原味，真係好吸引！

https://www.instagram.com/p/B6mUdYQJ3A6/

另外，佢哋獨家嘅中藥配方湯底味道清甜，牛腩吸收哂清湯嘅精華，非常入味。大家去香港時，不妨試吓呢間咁多年歷史嘅老字號啦！

九記牛腩
地址︰中環歌賦街21號地舖

*以上資訊只供參考，如有任何變化或更改均以現場情況或商戶決定為準*