fbpx

【網絡熱話】世界上最大萬花筒!英國設計團隊打造沉浸式鏡面隧道!

3 月 11, 2022 | 其他地區, 熱話

☉ 瀏覽次數 : 878

一直以鏡面進行創作嘅英國建築設計工作室Stufish,係以「娛樂建築」自居嘅設計團隊,曾為The Rolling Stones、U2等樂隊設計演唱會舞台佈景,近期喺沙地阿拉伯首都利雅德舉行嘅2022 LEAP技術會議中,推出咗全世界最大萬花筒「LEAP The Kaleidoscope」,透過鏡像裝置展示了不斷變化嘅沙地阿拉伯圖像,提供一種超夢幻穿梭式沉浸體驗!

長40公尺、高6公尺、闊3公尺嘅萬花筒隧道,係由LED螢幕同舞台設備公司Showtex嘅GiantMirror共同組成,Stufish喺地面同牆上安裝LED螢幕,其餘空間則係由GiantMirror所構成,GiantMirror材質係鏡面,唔係玻璃或者鋼鐵製成,重量好輕,只有15公斤重,安裝上非常便利。Showtex更喺鏡面上貼上箔膜,幾乎睇不到接縫或者翹曲,令整個影像嘅呈現完全冇任何視覺干擾。




LED螢幕上投射出沙地阿拉伯嘅自然風景,從阿拉伯半島嘅海底延伸到上空,經過數位效果堆積成層,然後透過鏡面反射,產生萬花筒嘅視覺效果。Stufish合夥人Maciej Woroniecki表示,呢啲嘅視覺效果都經過縝密設計,正式推出前,佢哋都曾先利用3ds MAX軟體同虛擬實境眼鏡,驗證視覺效果,確保整個圖像嘅變化流暢,唔會令人感到厭煩,為了令觀眾置身其中,唔會有被圖片淹沒嘅窒息感,設計團隊仲經常調整環境圖片嘅比例,令觀眾們有「喘口氣」嘅空間。

喺萬花筒入面,唔同場景之間嘅感覺就好似係從一個房間到另一個房間,令人完全沉浸於其中。

雖然LEAP The Kaleidoscope號稱係全世界最大嘅萬花筒,但是Woroniecki表示,呢種尺寸已經係同類型裝置可以產生視覺效果嘅最小尺寸,如果再細一啲嘅話,影像改變時所產生嘅力量就會變小。未來呢個裝置都有望可以喺全世界巡迴,令更多人體驗超現實嘅舞台效果。

*以上資訊只供參考,如有任何變化或更改均以現場情況或商戶決定為準*

Klook.com
X