近年香港非常流行食椰子雞，由於椰汁同椰肉含有大量蛋白質，而且仲有各種維生素，非常適合同雞肉一齊煮！雞肉吸收咗椰汁嘅精華之後，除咗會散發淡淡椰香，而且仲好有益健康，可以做到美顏養生功效，難怪大受歡迎！

https://www.instagram.com/p/BlDd7vnHNj-/

而深圳就有一間非常有名氣嘅椰子雞專門店「潤園四季椰子雞」，呢個店舖係深圳各大商場都有分店，而且間間都大排長龍，真係人氣爆登！

https://www.instagram.com/p/B6QHKOgBKWS/

「潤園四季椰子雞」以清甜椰青湯底風靡深圳，湯底以椰汁、椰子肉製成，店員會喺湯底煮煮滾之後倒入原隻文昌雞，服務好好。而且店員亦會幫你準備沙漏計時，唔洗怕唔熟，亦保證唔會煮得太老，雞肉保留到鮮味，食落非常嫩滑！椰青湯底嘅甜味同雞肉好夾，湯底亦無其他味精同調味料，做到原汁原味。

https://www.instagram.com/p/B2HWad7hQoC/

湯底雖然簡單，但湯料分量十足，另外亦可以隨自己喜好加配竹笙、蔬菜、豬肉等食物，一定唔會唔夠飽！店內亦有供應即開椰青，可以清清熱，非常貼心。

https://www.instagram.com/p/CBHuNeEJibO/

椰子雞原來咁有益又好食，真係一年四季都啱食，「潤園四季椰子雞」除咗食物足料之外，仲非常抵食，啱哂一大班人去！

*以上資訊只供參考，如有任何變化或更改均以現場情況或商戶決定為準*