【尖沙咀美食】人氣日式刨冰九龍區開分店，必試伯爵奶茶朱古力+芒果椰子味

人氣日式刨冰登陸尖沙咀，銅鑼灣分店日日都排晒長龍，終於可以唔洗去港島區，九龍區都可以食到呢間人氣刨冰啦！店內刨冰用日本純凈水製作，刨冰非常綿滑，入口即溶。夏天食返一碗刨冰，即時消暑！

店內有多款口味刨冰，唔同季節及節日會推出期間限定口味～必試焙茶黃豆粉味及伯爵奶茶朱古力味。味道香濃，茶味突出~！

除咗茶味刨冰，生果味都有幾款，包括士多啤梨味，芒果椰子味都好清新～

最近新出咗雲尼拿朱古力口味～未試過嘅快啲去試下啦！

Shari Shari Kakigori House 氷屋（尖沙咀分店）
地址：尖沙咀漆咸道83-85A金德大廈地下
開幕日期：即將開幕