fbpx

【澳門】小店華麗燒烤 三十年老字號燒烤店

4 月 8, 2021 | 澳門, 美食

☉ 瀏覽次數 : 809

好多人都唔知,原來澳門有一間出名食串燒嘅燒烤店!今次介紹嘅串燒店「華麗燒烤」有約三十年歷史,以炭火燒烤聞名,係唔少澳門老街坊嘅集體回憶。

呢間燒烤店無招牌,非常隱世,供應嘅食物亦只有燒雞翼、香腸、雞皮、雞軟骨、雞肶、魚蛋、芝士腸等等。雖然食物款式唔多,而且做法簡單,店鋪亦無
華麗嘅佈置同裝潢,但每款食物都係老闆每日親手用獨門醃料製作而成,非常用心。

佢哋嘅每一串串燒都係人手製造,用炭爐逐串逐串烤,所以等嘅時間會有啲耐,但係慢功出細貨,最後嘅成品真係非常好食!




「華麗燒烤」嘅名物就係佢哋嘅燒雞皮,外脆內滑,好食到停唔到口!老闆仲好強調所有串燒都係無味精嘅,食客可以食到每串嘅原汁原味,單單係呢份認真製作嘅心態,已經好值得得一試!

華麗燒烤
地址: 澳門柯利維喇街60號

*以上資訊只供參考,如有任何變化或更改均以現場情況或商戶決定為準*

Klook.com
X