台灣除咗美食、景點多外，
台南或離島美麗嘅海洋生態都最受歡迎，
而位於澎湖嘅南方四島公園更加係國營嘅海洋生態公園，
每逢4-9月都會吸引大量潛水愛好者嚟欣賞一整片「海底薰衣草森林」嘅美景！

澎湖群島係有著台灣海峽最壯麗嘅海洋景色，而最聞名嘅就係南方四島國家公園，海域珊瑚礁生長茂密，非常適合浮潛，每年都吸引一大堆潛水愛好者~

由於澎湖嘅冬天有強烈嘅東北風，故每年只有4-9月可以欣賞嘅季節限定「海底薰衣草森林」美景令一大堆人為之瘋狂！

國家公園內嘅「南方四島」分別有東吉嶼、西吉嶼、東嶼坪以及西嶼坪4座島嶼，而呢一片「薰衣草森林」就正位於東吉海域~

其實呢個美景係由「紫色鹿角珊瑚」形成，覆蓋率超高，以致形成一片超美嘅海底森林

一整片嘅海底珊瑚花園真係會令人睇到好驚艷！

不過欣賞還欣賞，潛水影相嘅時間都要小心唔好破壞到美麗嘅珊瑚！

「海底薰衣草森林」
地址：澎湖南方四島國家公園東吉海域

*以上資訊只供參考，如有任何變化或更改均以現場情況或商戶決定為準*