【中秋好去處】賀國慶75周年 嗇色園非遺薈萃綵燈節~多個大型主題花燈及表演節目

一年一度的黃大仙祠綵燈節又番嚟喇~現場有多款大型花燈同埋藝術表演睇！

今次嘅活動除咗應節之外，仲係慶祝赤松黃大仙師寶誕同埋國慶75週年！

入園仲會有小禮物送~

現場有多組大型紮作花燈，並以非物質文化遺產下稱「非遺」為主題，而現場嘅花燈做工非常精緻~譬如：呢組《飛龍在天》+《有鳳來儀》就非常特別，上面有齊龍、鳳、牡丹花、彩雲等元素。

仲有千手觀音、送子觀音，同埋超可愛嘅大熊貓，最後當然唔少得呢個有求必應花燈喇~一定要同佢打卡，希望可以保佑大家事事順利！即刻嚟發掘下仲有邊款花燈係你最鍾意嘅~

綵燈節期間仲可以睇到多項國家級非遺嘅精彩表演，包括四川變臉、武當武術、廣東魚燈舞及陸豐皮影戲等等，喺綵燈節期間嘅公眾假期及星期六、日，喺黃大仙廟宇廣場戲棚，進行超過八十場表演! 

相信大家今次嚟到綵燈節肯定有新驚喜，除咗精彩嘅表演，同場亦設有免費攤位遊戲和小食攤位！

鍾意手工藝品嘅你切勿錯過非物質文化遺傳承傳人舉辦嘅工作坊同講座，一定收穫滿滿。

哇~為慶祝黃大仙師寶誕，仲會喺灣仔海濱維港上舉辦無人機匯演，記住時間係9月21日夜晚8點半，灣仔海濱！

黃大仙祠嘅綵燈節真係個非常獨特的體驗~

大家可以即日起留意黃大仙祠網頁、Facebook及IG，會有更多精彩活動內容。

《黃大仙寶誕．紫氣龍騰耀香江—無人機匯演》灣仔海濱無人機匯演
日期及時間：9月21日星期六晚上8時30分
地址：灣仔海濱的維港上空呈獻
詳細內容：https://www2.siksikyuen.org.hk/activity_management/activity/viewallactivity