【紅磡美食】新開特色糖水店，必試芋圓涼粉生果冰鍋！

紅磡新開咗間糖水店，必試店內招牌甜點冰鍋！可以自選糖水及配料，多達11款配料，包括芋圓、涼粉、香蕉、芒果、西瓜、哈蜜瓜等等。份量十足，夠3個人食，可以約埋朋友去試下。

甜品冰鍋會加上乾冰，上檯煙霧瀰漫，加上色彩繽紛生果及芋圓，好啱打卡！

芋圓煙韌有咬口，生果都新鮮香甜。

另外店內都有多款甜品選擇，包括椰皇桃膠雪燕、芝麻糊配雪糕湯圓、楊枝甘露、核桃糊等等。

下次喺附近食完飯可以試埋呢間糖水店！

糖一

地址：紅磡蕪湖街68號光明閣地下D舖

圖片來源：@dingding.foodie、@sweetone_hk