【深水埗好去處】南昌公園最新園藝佈置 夢幻粉紅巴士站+繡球花花圃

為免浪費，最近康文署正把今年香港花卉展嘅花卉移植至轄下公園，而被安排到南昌公園嘅展品，就係一個粉紅嘅巴士站。

巴士站喺一個粉色繡球花圃裏面，仲有一位女孩子正在睇書。

新嘅園藝佈置喺南昌公園近南昌港鐵站D1出口附近嘅正門位置，錯過咗花展嘅朋友，不妨都過嚟參觀打卡。

南昌公園粉紅巴士站園藝佈置
地址: 九龍深旺道20號 (近南昌港鐵站D1出口步行5分鐘就到)