【日本】爆趣懷舊水龍頭戒指！熱水定冷水都有！真係可以扭得到！

身兼導演、編劇同藝術家嘅池田亮，以水龍頭為主題，設計咗一款懷舊復古風嘅水晶戒指。呢款戒指上冇鑽石，以水龍頭代替寶石，水龍頭仲可以轉動，成個造型都超爆趣！

池田亮畢業於東京藝術大學雕塑系，擅長發揮創意天賦，將日常生活中嘅物品，改造成意想不到嘅設計小物。呢款「水龍頭水晶戒指」（水栓のクリスタルハンドル指輪），就喺網絡上掀起話題。

池田亮喺復古嘅水龍頭上獲得靈感，透過UV膠塑造戒指嘅造型。水龍頭上嘅紅色代表熱水、藍色代表冷水，呢款戒指亦保留咗呢啲細節。仲可以自由旋轉。

水栓のクリスタルハンドル指輪

售價：2000日元

https://yyyry.theshop.jp/items/60544126