fbpx

【香港迪士尼樂園】鋼牙與大鼻80週年慶祝活動4月登場 特別慶祝時刻/主題商品及餐飲

3 月 30, 2023 | 香港, 大嶼山 / 坪洲 / 離島, 熱話

迪士尼經典角色chip ‘n’ dale(鋼牙同大鼻),將於今年4月迎來佢哋嘅80週年!為隆重其事,香港迪士尼樂園將會舉行一連串慶祝活動,包括特別慶祝時刻,同一系列主題商品同餐飲體驗。

更特意邀請鋼牙同大鼻嘅紅顏知己、女神歌姬克莉絲(Clarice)現身樂園祝賀,務求為鋼牙同大鼻同粉絲帶來一個難忘嘅奇妙歡慶派對。

特別週年慶祝時刻
由2023年4月2日至15日期間,香港迪士尼樂園樂隊將喺「美國小鎮大街」為鋼牙同大鼻送上「生日慶祝時刻」,鋼牙、大鼻同克莉絲更會驚喜現身,表演期間亦會邀請穿上鋼牙同大鼻主題服飾嘅粉絲加入,將慶祝時刻嘅氣氛推至高峰!




此外,喺4月16日至30日期間,克莉絲同鋼牙大鼻亦會喺幻想世界嘅夢想花園同粉絲見面拍照,接受大家嘅生日祝賀,一齊分享甜蜜快樂。作為粉絲嘅你點可以錯過呢?

圖片及資料來源 : Disney Magical Kingdom Blog、hkdisneyland

*以上資訊只供參考,如有任何變化或更改均以現場情況或商戶決定為準*

Klook.com
X