fbpx

【土瓜灣美食】老字號港式甜品店!必試足料楊枝甘露+生磨芝麻糊

1 月 15, 2024 | 紅磡 / 土瓜灣 / 九龍城, 香港, 美食

去土瓜灣想食糖水?可以試下呢間35年老字號港式甜品店「浩記甜品」!多款經典糖水都係大概三十蚊,都幾抵食。必試足料楊枝甘露,仲有香濃嘅生磨芝麻糊!

除咗土瓜灣,香港仔都有分店,可以揀返就近果間試下~

小店仲係米芝蓮推介!必試楊枝甘露,好足料,大大舊芒果,再配上酸甜柚子,消暑一流!




店內仲有多款中式甜品,包括蛋白燉鮮奶、香滑豆腐花、木瓜燉雪耳糖水、海帶綠豆沙、芝麻糊等等。

小店嘅芝麻糊係炒香芝麻後,順同一方向炒至少四十分鐘,其間不能停下,以免燶底,芝麻油粉滲出後才用水磨機磨成漿再隔渣,芝麻糊有濃郁芝麻香之餘口感亦順滑。

下次見到就支持下呢間老字號甜品店啦!

浩記甜品
總店:土瓜灣道237A益豐大廈111號地鋪
分店:香港仔舊大街82 號地下A1鋪

*以上資訊只供參考,如有任何變化或更改均以現場情況或商戶決定為準*

Klook.com
X