【香港】麥當勞新Big Mac登場！採用「Best Burger」配方升級更好味！

8 月 26, 2022 | 香港, 熱話

麥當勞今日起將成為亞洲第二個城市採用全球麥當勞「Best Burger」配方，將多款漢堡升級，當中Big Mac巨無霸更採用新配方，變新新世代Big Mac。

「Best Burger」喺澳洲、加拿大、意大利、西班牙同韓國等地推出時都反應熱烈！香港成為亞洲第二個市場推出及採用，係一大革新！轉用新配方嘅麵包，入口鬆軟，味道微甜帶焦糖香。視覺上已經好大分別！

麥當勞亦調整烹調設備及引入新工具，喺煎煮時間同調味上研發出最佳食譜，令牛肉達致最佳溫度，鎖緊肉汁，提升焦香感和口感。直接將洋蔥粒加到牛肉餅上，令漢堡入口更惹味，仲配以入口即溶芝士同爽脆切絲生菜。

即日起仲有多款漢堡飽均升級改良為「Best Burger」，包括漢堡飽、魚柳飽、芝士漢堡飽同雙層芝士漢堡！

除此之外，包括全新蘋果批風味Shake Shake薯條調味粉同蘋果吉士批亦同步回歸！仲有全新蛋糕麥旋風，新地混合士多啤梨醬同朱古力醬，加上蛋糕同Oreo曲奇碎！珍寶新地樂亦會強勢回歸，順滑新地加上冰凍可樂，為大家帶來回憶嘅味道！

下週起，顧客無論於主餐廳或麥當勞App點餐都能享用「特價$33巨無霸套餐」優惠，麥當勞App亦推出三張全新電子優惠券，包括「$42霸氣一人餐 – 巨無霸套餐配蘋果吉士批」，可以一次過盡嚐新世代巨無霸同期間限定蘋果吉士批，仲有「$9蘋果吉士批」同「$15蛋糕麥旋風」優惠。