大家嚟嚟去去都係長州、大澳、梅窩同埋南丫島，唔知大家有冇去過鴨洲同吉澳呢～地方都比較冷門同偏遠，不過景色都一樣咁靚。想去呢兩個地方玩，大家一定要留意渡輪班次，錯過就要第二日先番到屋企！即刻睇詳情先！

首先講下吉澳先，吉澳位於大鵬灣以西、沙頭角以東，因為島形與相反的英文字母Z相似，因此英文名稱為Crooked Island,意思是彎曲的島。

嚟到吉澳一定要去呢度嘅天后廟參拜喇～天后廟自1763年已經開始供奉，至今仍保存得宜，入面仲有多個色彩鮮豔嘅佛像陶瓷同雕塑。

之後就梗係要去吉澳大街醫肚喇，食呢度最出名嘅手打墨魚丸同客家小菜。

仲有紅豆砵仔糕、雞屎藤茶粿、糯米糍等等。

食飽飽就坐船去鴨洲睇鴨眼、鴨頸（褐紅色角礫岩），鴨洲其實係屬於香港聯合國教科文組織世界地質公園裡的熱門景點。

鴨眼（海蝕拱），是一個經長年風化侵蝕而形成的扁長海蝕拱，是島上非常受歡迎的打卡景點。

鴨頸（斷裂帶），沿岸慢走，你會發現罕見的褐紅色沉積岩，稱為「角礫岩」。崖壁彷彿被斬斷了的位置就是「鴨頸」所在，此為岩層的斷裂帶，是經海浪多年侵蝕所形成的一道狹溝。你可在這裡近距離欣賞角礫岩的獨特質感和層次。

最後，呢度提提大家，鴨洲有攤販擺賣小吃和飲品，但並無固定營業時間，而吉澳的小店大多只於週末或公眾假期營業。

交通：**渡輪服務（逢星期六、星期日和公眾假期）
·路線一：港鐵大學站B出口→步行約15分鐘至馬料水三號梯台→乘搭渡輪經吉澳前往鴨洲(航程1.5hrs)。
·路線二：港鐵大學站B出口→轉乘272K號巴士→乘搭渡輪經吉澳前往鴨洲(航程1.5hrs)。

馬料水碼頭→吉澳: 09:00am
吉澳→鴨洲：10:45am
鴨洲→吉澳：12:30nn（僅此一班，大家必須注意，千萬不要錯過）
吉澳→馬料水碼頭: 下午 15:30pm

船票: 單程$45元正；來回$90元正

【更多船期資料按此】

圖片來源：@exploraterry、@geoya_bps1920、@ccelialee、@yikman_kat_o

 

*以上資訊只供參考，如有任何變化或更改均以現場情況或商戶決定為準*