fbpx

【香港】蒲窩一日限定MAKER DAY!超過400個免費Workshop名額!

7 月 26, 2022 | 香港, 薄扶林 / 香港仔 / 赤柱 / 石澳, 熱話, 親子

☉ 瀏覽次數 : 1972

闊別咗三年,蒲窩青少年中心同旗下動手造品牌仝匠,今年又再舉辦THE MAKER DAY啦!是次活動邀請咗唔少本地資深同青年Maker,喺有130年歷史嘅紅磚古蹟、創客空間,同有大自然氣息嘅蒲窩,分享大家嘅動手造故事、過程同成品!

有超過15款、400個免費Workshop名額,適合小朋友、青年參加,仲可以即場參與動手造體驗同參觀展覽!享受動手造嘅樂趣,帶走親手製作嘅成品!亦可趁機遊覽具130年歷史、前身為香港仔警署嘅紅磚古蹟蒲窩青少年中心!

主題電動車Go-Kart!
「主題電動車Go-Kart!」又嚟了!紅磚古蹟再次化身高卡車場,參加者可以揸住由蒲窩製作嘅電動車! 參加者仲可以獲一張同主題電動車即影即有合照!




啫啫雞工作坊
有冇諗過要親手接住雀仔嘅排泄物?仲可以順便消毒雙手?!啫啫雞 (AKA 消毒啫喱雞) 幫到你!每唧一下,啫啫雞都會發聲、點頭同拍翼。一齊製作一個特別容器,喺生活中尋找樂趣!

日式工具箱工作坊
日式工具箱歷史源遠流長,遠至鎌倉時代就有所記載。每一件工具對木匠嚟講都好重要,木匠會依據工具嘅大小製作合適嘅容器保存。透過拼砌木材,一齊製作屬於自己嘅寶盒啦!

木杯墊工作坊
一齊發揮創意將廢棄木粒搖身一變成為杯墊!參加者可以按個人喜好拼合木粒,製成充滿個人風格嘅杯墊。

聲畫筆體驗
體驗由蒲窩製作嘅聲畫筆,一支會發聲嘅鉛筆,當聲畫筆接觸紙上唔同圖案,聲畫筆就會發出聲音,聲音嘅音高亦會喺特別情況下改變。

THE MAKER DAY
日期:2022.08.06 (六)
時間:上午11時至下午6時
地點:香港仔大道116號 蒲窩青少年中心
網址:https://www.warehouse.org.hk/themakerday-2022/

主辦機構:蒲窩青少年中心、仝匠
資助機構:民政及青年事務局、青年發展委員會

*以上資訊只供參考,如有任何變化或更改均以現場情況或商戶決定為準*

Klook.com
X