fbpx

【香港】中環茶室歎傳統點心High Tea!輕古董餐具+精致茗茶!

10 月 21, 2022 | 中環 / 上環 / 西環, 香港, 美食

☉ 瀏覽次數 : 661

福和雍點心茶館最近推出全新下午茗茶時段,以茶室同傳統民間點心為理念,推出三款下午茶體驗!

下午茗茶時段以民間傳統點心同上等茗茶,配以搜羅自上世紀中葉,擁有近百年歷史嘅「輕古董」作為餐具,及為不同茗茶量身訂製嘅茶器,好似穿越咗百年去感受港式優雅一樣,透。

全新下午茗茶時段有三款下午茶體驗,包括兩款《福和雍》備受歡迎咸甜點嘅「一點驚喜」下午茶,同主打民間甜點嘅「經典茶飴」下午茶。

「經典茶飴」重現咗一系列風靡民間嘅甜點,有來自河南洛陽嘅白牡丹酥、台山嘅砵仔糕,杭州嘅狀元合桃酥等。




「白牡丹酥」原本來自河南洛陽嘅一道著名特色小食,因高雅外觀似白色牡丹花,通常只會喺高級宴會上品嚐到。一層層酥香外皮好似花瓣般輕盈同層次分明,配合幼滑嘅白蓮蓉餡,口感細緻清香。

原創於台山嘅「砵仔糕」係一種較常見嘅傳統粵式糕點,越簡單常見嘅甜點,越考驗師傅嘅經驗。「砵仔糕」口感爽滑,粉漿撞進碗中必須造成「起筋」效果,先能夠一步一步做出爽滑口感。

源自蘇杭一帶嘅「狀元合桃酥」係一款以合桃肉同蓮蓉為餡料嘅茶點。為做出少甜效果,將餡料中合桃同蓮蓉嘅比例調整,口感更豐富。層次更分明,質地圓潤鬆化,仲用小鉗手工逐個造型,雕出合桃細緻的紋理。

「經典茶飴」仲包括咗人氣甜點:茶味花香出眾嘅「鳯凰單叢桂花糕」同從前滿州貴族最愛嘅「薩騎馬」。

有本地茶莊精心拼配混合茶品「香六安」,《福和雍》仲喺茶單上增添咗七款茗茶,包括人參烏龍、三花茶、小青柑普洱茶、鴨屎香單叢同獅峰明前龍井等選擇。

仲以近百年「輕古董」為食器,亦係《福和雍》下午茶體驗其中一個最特別之處。《福和雍》特意搜羅咗一系列「輕古董」奉客,令茶客可以親手觸到有形文化。

福和雍 點心茶館
營業時段 :早上 11 時至晚上 8 時
地址 :中環皇后大道中 30 號娛樂行 2 樓

*以上資訊只供參考,如有任何變化或更改均以現場情況或商戶決定為準*

Klook.com
X