近年來珠海發展得好快，當地亦都多咗好多景點！當中嘅珠海大劇院就係人氣打卡熱點之一，大劇院總建築面積59000平方米，可以容納到好多人，而主體建築就係用咗一大一細「日月貝」為設計造型嘅多功能廳，勁有特色！

https://www.instagram.com/p/CJsE81eJXwx/

大貝殼名為「日貝」，高90米，可容納接近1600位觀眾，小貝殼被稱為「月貝」，可容納500位觀眾，劇院內更設有觀景台，觀眾可以望到海，景觀一流！

https://www.instagram.com/p/CKeFYlNHudm/

「日月貝」暫時係目前中國唯一興建喺海島上嘅歌劇院，好多遊客都特意去打卡！喺歌劇院附近更有一座可供大家餐飲娛樂購物嘅大型商業綜合體「海韻城」，入面有好多餐飲美食店同埋文創特色小店，打造成一個全新嘅旅遊購物景點！

https://www.instagram.com/p/CJ-SCWALNX5/

歌劇院附近仲有情侶路、野狸島等景點畀大家遊玩打卡！無敵海景配上公路，加上白色簡約嘅「日月貝」，非常浪漫，唔掛得咁多人都專程去影結婚相！

https://www.instagram.com/p/CKZPhHXAlsN/

大型貝殼建築，配有海景、藍天，簡直好似去咗童話世界一樣！如果你係夜晚嚟嘅話，仲會有燈光效果打喺日月貝上，非常夢幻。下次去珠海不妨去埋呢個咁靚嘅景點，歌劇院充滿藝術氣息，包你唔會悶！

*以上資訊只供參考，如有任何變化或更改均以現場情況或商戶決定為準*