fbpx

【日本】超可愛架空文具!富士山文具組!仲有其他得意設計!

3 月 11, 2022 | 日本, 熱話

☉ 瀏覽次數 : 767

日本經常都有一啲拍案叫絕嘅創意文具,富士山文具組定係其他設計都好特別,由日本設計師ミチル(@mitiruxxx)所設計嘅「架空文具」提案,有以富士山為主題嘅文具,亦或係再簡單不過嘅造型刨筆機,令鉛筆屑化身柴魚片,成為最畫龍點睛嘅成分!

大學攻讀建築設計嘅ミチル,對於創意自然冇問題,喺twitter上爆紅卻係一系列文具設計,由大阪燒、富士山削鉛筆機、食蟻獸改錯帶到超模糊拼圖便條紙、由內到外都係蔥味嘅千歳飴糖果,ミチル藉著玩轉大家熟悉嘅普通日常事物,增添創意,賞心悅目之餘,亦令人不免莞爾!

什錦燒刨筆機




對於呢款什錦燒刨筆機,佢表示自己係偶然經過一間專賣什錦燒嘅店舖,意識到作為配料嘅柴魚片其實好似鉛筆屑,基於呢個想像,利用一日時間以電繪創作,並收入喺「架空文具」系列之中。

富士山文具組
除了什錦燒削鉛筆機,ミチル過去亦將最能代表日本嘅富士山當成創作主題,提出「富士山文具組」創造意念,唔只係鉛筆嘅用色或係包裝盒嘅設計都有滿滿富士山元素,甚至連鉛筆屑都係滿滿嘅富士山。

鉛筆外盒上面有著滿滿嘅富士山圖樣,一盒裡面有三枝鉛筆以及一個刨筆機。呢款富士山鉛筆嘅筆身係大家熟悉嘅藍色,筆芯為咗呈現冠雪嘅富士山而使用白色筆芯,使用刨筆機將筆刨好之後,美麗嘅富士山就呈現在眼前。

食蟻獸改錯帶
食蟻獸成為咗改錯帶!圓弧造型,又順手又好拎,ミチル將改錯帶嘅前端設計成食蟻獸嘅嘴巴,使用嘅時候文字會跟著消失,就好似食蟻獸吃咗啲螞蟻一樣。

麥當勞剪刀
閃亮嘅麥當勞金拱門M字,將佢收埋,又真係幾似一把特色剪刀。

品牌風格運動鞋
品牌運動鞋係ミチル自認為嘅代表作,將知名Calorie Mate 營養棒、 7-11 、 SUNTORY 天然水,以及山梨縣嘅名產桔梗信玄餅,同運動鞋結合,設計出不論係由外盒到鞋子本身都係一睇就知道係邊個品牌嘅產物。

蔥糖
齌看就能聞到滿滿蔥味嘅糖果,ミチル利用蔥翠綠白色相間嘅色彩,調配為過年必食嘅千歲飴,以及隨身糖果。

其他仲有青瓜卷鉛筆、紙膠帶等等都喺ミチル嘅Twitter到有得睇架!

*以上資訊只供參考,如有任何變化或更改均以現場情況或商戶決定為準*

Klook.com
X