【東京夏祭2026】一秒穿越日劇！8月必去 東京市集 及三大尋寶跳蚤市場推介

夏天去東京旅行，除咗行大型商場買一式一樣嘅大路貨，其實行日本市集先係真正嘅尋寶天堂，仲可以感受最地道嘅生活氣氛！著住浴衣、食住蘋果糖，漫步喺風鈴同燈籠之下，直頭好似一秒穿越咗去日劇嘅場景入面！

日本嘅市集主要分為三大類：主打二手衫、古著同雜貨嘅「蚤の市」（跳蚤市場）；專賣舊瓷器、和服同工藝品嘅「骨董市」（古董市場）；以及充滿祭典氣氛、屋台小食嘅「夏祭・緣日」。今次小編為大家精選咗 3 個 8 月份必去嘅重量級夏日尋寶地，仲整合埋成個月嘅日程表，即刻睇下點樣排行程啦！

3大必去東京夏日祭典與跳蚤市場推介

1. 尋寶 ✕ 祭典 最有夏日氣氛：東京蚤の市 夏祭 🎐

呢個活動以「夏祭」為主題，完美結合咗尋寶同美食音樂。現場仲有大家可以一齊跳舞嘅「盆踊」、緣日攤位同埋露天電影院！會場聚集咗超過 150 組精選店舖，由晏晝玩到夜晚，絕對係最有夏日集氣嘅市集！

• 日期： 7月10日 - 8月11日

• 時間： 週六 15:00-21:00 ｜ 週日 14:00-20:00

• 地點： 巨人城球場

• 門票： 預售 ¥1,500 ｜ 即場 ¥2,000

• 交通： 乘搭京王相模原線至「京王讀賣樂園站」或「稻城站」，徒步約15分鐘即可到達。

2. 規模最大 平民尋寶天堂：大井競馬場 跳蚤市集 🧸

呢度係東京規模最大嘅恆常跳蚤市場，每次都有 300 至 700 個攤位！無論係古著、二手衫定係舊玩具，呢度乜都有，地道平民氣氛極濃。

• 日期： 幾乎每週六、日舉辦

• 時間： 09:00-15:00

• 地點： 大井競馬場第一停車場（免費入場）

• 交通： 乘搭東京單軌電車至「大井競馬場前」站徒步3分鐘，或乘搭京急線至「立會川」站徒步10分鐘。

3. 風鈴 ✕ 緣日 最濃日劇 Vibe：上野夏日祭 ⛩️

作為上野公園每年夏天嘅傳統活動，不忍池畔會掛滿 4,000 個風鈴，超級壯觀！現場仲有緣日攤位、和傘塔夜間點燈、古董市、猴子表演等，氣氛超正！

• 日期： 幾乎每週六、日舉辦（2024年7月12日至8月12日期間）

• 時間： 15:00-21:00

• 地點： 上野公園 不忍池 弁天堂前廣場（免費入場）

• 交通： JR上野站「不忍口」徒步5分鐘，或京成上野站徒步3分鐘。

2026年8月 東京尋寶日程表總覽

8 月份嘅尋寶日子超過 20 個，真係多到唔知去邊個好！小編幫大家整理咗重點日子，方便排行程