PopWalk天晉滙聯乘國際人氣藝術家Martcellia Liunic設計新春童話世界！4米高暖心花壺/3米紅心+親子嘉年華+萌寵新春祭市集+一步連接將軍澳南公園人寵單車遊

By 放假去邊 Openholidays on 16 Feb 2026

萬眾期待，佔地38,000平方米嘅將軍澳海濱最新地標將軍澳南公園終於全面開放喇！🤩想一次過玩盡公園嘅飛索、攀爬塔、沙池等「海陸空」遊樂設施，再舒舒服服打卡行街？連接住公園嘅PopWalk天晉滙絕對係今個新春嘅必去熱點！🎉

今年商場搵嚟國際人氣藝術家Martcellia Liunic，設計咗超夢幻嘅「遨遊心動花間」新春打卡裝置同互動遊戲！🌸 佢啲畫風出名色彩繽紛，花花草草全部都有對精靈大眼睛 👀，充滿童趣又治癒，見到心情都即刻變好！💖

3大必玩 Check Points：
1️⃣ 室內打卡兼贏獎品！🎁
一定要去PopWalk 2期影逾4米高嘅「暖心花壺」 🫖，壺咀倒出嘅流光水柱勁有動感，配合埋可愛嘅心心同錢錢，打卡之餘仲有得玩！只要消費滿指定金額，就可以走入壺身玩「春日花間大滿捉」捉波波贏獎品，或者玩「福迎春扭扭樂賞」試手氣！🧧 去埋 Ocean PopWalk 玩「花間遨遊遊樂園」，係變奏版掟彩虹🌈，將硬幣掟入花圈就中獎，好意頭之餘，更象徵新一年充滿希望，為馬年開個好頭～🍀

2️⃣ 戶外放電！3米紅心 x 親子嘉年華 🛝
戶外嘅彩虹跑道更精彩，第一站先去揾3米高發光巨型紅心❤️，PopWalk作為Pet-friendly商場，連新年裝置都專登留咗位俾毛孩影相㗎～即日至16日嘅周末同公眾假期設有「萌寵新春祭」，超過 40 檔市集俾你幫主子辦年貨、扮靚靚過肥年！🐶 隔籬仲有「Full of Love Carnival」親子嘉年華同市集，小朋友可以化身小車手玩賽車體驗 🏎️，又有「狂掃罐子」、「籃球狂熱」、「瘋狂射擊」、「保齡狂潮」等4大經典攤位遊戲，新一年做乜都百發百中，順便贏走可愛毛公仔！🎯🧸