將軍澳「PopWalk啤酒美食節」強勢回歸！3米高巨型打卡啤酒杯+$68食德國咸豬手啤酒餐+毛孩限定寵物啤酒+秋夜寵物市集+合家歡遊戲

今個秋日，「PopWalk啤酒美食節」終於返嚟喇！由即日起至11月2日，逢星期六、日及公眾假期，PopWalk天晉滙變身德國啤酒村，今次唔單止係載譽歸來，仲重磅升級，搞咗個全港首個「Dogtoberfest 樂寵啤酒節」，現場超多打卡位、美食車、遊戲區同寵物市集，無論你係啤酒迷、家庭客定係狗奴都照顧晒，係時候埋帶你哋嘅「主子」一齊去啤一啤！

必玩亮點：
3米高巨型啤酒杯！打卡聖地
未飲先打卡！場內有個3米高嘅巨型充氣啤酒杯，日頭定夜晚影相都超有Feel，呃like必備！

$68起食德國咸豬手套餐
有酒點可以冇美食？場內有德國餐廳Das Bier主理嘅「滋味站」，最平$68就有齊咸豬手+德國腸+啤酒1杯，CP值勁高！$78亦食到德國香腸拼盤配酸菜+任選德國啤酒1杯，想再大滿足，就要試吓$198德國咸豬手配酸菜及薯仔沙律+任選德國啤酒1杯～堂食嘅朋友，更加可以用$98換2L啤酒塔！

港式「戰鬥碗」隊德國啤酒
飲啤酒用玻璃會點夠㗎？唔知你覺唔覺用戰鬥碗飲啤酒特別爽呢？今年首度引入印有啤酒節圖案嘅香港大牌檔「戰鬥碗」，The Point會員消費滿$500，就可以免費換2張「戰鬥碗啤酒兌換證」，即刻同friend一人一碗飲勝，夠晒豪邁！

毛孩限定「寵物啤酒」
既然可以帶埋狗狗嚟同樂，又點可以有你飲冇佢飲？PopWalk帶嚟全港首創嘅「Dogtoberfest 樂寵啤酒節」，毛孩都可以跟住主人一齊飲，單一電子發票消費滿HK$500，就可以換領「樂寵啤酒節滋味Combo」，包括為毛孩專屬的「寵物啤酒」同滋味小食喇～

合家歡遊戲+秋夜寵物市集
「PopWalk啤酒美食節」唔係成年人專利，呢度都有好多合家歡遊戲，除咗「擲彩虹考眼力」、「舉杯耐力賽」、「推酒杯考驗」同埋專為小朋友而設嘅「節日彩繪體驗」，仲有逾90個寵物精品同潮流手作攤位，費滿HK$500 更可換領寵物福袋一個，絕對係全城最Pet friendly活動！

「PopWalk啤酒美食節」
日期：即日起至11月2日（逢星期六、日及公眾假期）
時間：下午4時至晚上9時30分
地點：將軍澳 PopWalk 天晉滙各期商場