恒隆商場五月3重賞 × CHEER-FOOD STREET餐飲優惠！狂送逾3萬件厚禮+即場獲展能藝術家製作母親節心思禮物

By 放假去邊 Openholidays on 07 May 2025

五月份，銅鑼灣Fashion Walk同恒隆商場為大家準備咗一連串精彩活動，無論係Shopping、食好嘢，定係準備母親節驚喜，都一次過幫你搞掂！由即日起至5月31日，「hello! Chill賞 3重賞」結合Fashion Walk「CHEER-FOOD STREET美饌寶藏」企劃，送出超過三萬份禮品，仲有期間限定母親節花束同人像繪畫體驗，Chill住享受最好嘅黃金周同母親節！

「hello! Chill賞 3重賞」一次過送你三重禮物
「hello! Chill賞 3重賞」推出三大獎賞計劃，幫大家邊行邊玩邊贏獎品。第一賞「Chill『賞』抓運夾彩蛋活動」現正進行中，hello會員只要喺Fashion Walk單一電子消費滿HK$300，即可換領1個代幣玩夾蛋機，下午6時後喺餐飲商戶堂食消費滿HK$300，更可額外獲得多一個代幣，提升中獎機會！禮品種類豐富，包括HK$1,000恒隆電子現金禮券、Panasonic風筒、Dove護髮產品、Apple Beats耳機及Canvas 護手霜等，換領機會每日限量，手快有手慢冇。

第二賞「5月最高消費賞」，5月期間喺雅蘭中心、家樂坊及荷李活商業中心消費金額最高嘅首10名hello會員，將可贏取豐富獎品，包括價值HK$10,500嘅TUMI旅行箱、LG射頻嫩膚機、VALMONT乳液以及HK$500至HK$2,000嘅恒隆電子優惠券，買得多，獎得多！

第三賞「『賞』你遊山頂廣場」，hello會員只要憑即日的士單據（滿HK$50或以上）去山頂廣場地下賓客服務台，即可免費換領HK$100恒隆電子購物券，欣賞無敵維港景色之餘，仲可以Shopping歎美食，感受山頂初夏時光，名額500個，換完即止。

Fashion Walk CHEER-FOOD STREET 美饌寶藏
Fashion Walk食街亦同步展開「CHEER-FOOD STREET」美饌寶藏活動，結合比利時設計團隊Globall concept打造嘅繽紛食物笑臉主題，將Comfort Food慰藉心靈嘅概念發揮得淋漓盡致。顧客可以喺美食寶藏中參與尋找七彩食物小遊戲，掃描QR code，即可換領HK$20電子餐飲優惠券，亦可以試勻多款推介美食，例如El Born西班牙蕃茄海鮮飯配鮮蝦及伊比利亞香腸，品嚐正宗地中海風味。

母親節限定活動婦女義工及展能藝術家助你表達專屬心意
適逢母親節將至，Fashion Walk特別準備咗兩大溫馨體驗活動。5月10日至11日下午2時至8時，hello會員即日消費滿HK$300，即可換領由香港婦女中心協會義工Helen Lee、Alee Lee即場親手製作嘅「客製小花束」，為媽媽送上專屬心意，夠晒窩心；而消費滿HK$500，更可享受「人像速繪畫」體驗，由藝全人三位展能藝術家Apple Tong、PuiSin Hui、Kisha Cheung即席繪畫專屬人像，記錄親子美好時光。