【日本住宿】東京10間新酒店推介2024！交通極方便、CP值高、露天溫泉
自開返關之後，日本東京又成為咗一眾港人旅遊熱門地，東京新酒店都愈開愈多，今次為大家集合2024東京最抵、最吸引嘅酒店，唔單止交通便利，而且仲非常近各大景點，最緊要係CP值夠高！
AKABANEHOLIC酒店（Akabane Holic Hotel）
賣點：公眾大浴池
酒店大走現代摩登風，房間簡約設計。賣點就一定要講公眾大浴池，讓大家體驗日本浸浴文化。另外，酒店交通方便，鄰近JR赤羽站東口徒步1分路程同埋赤羽一番街，附近亦有唔少本土平價餐廳，仲可以去埋古老神社赤羽八幡神社，同時shopping。
地址 : 1-4-4 Akabane, Kita-ku, 115-0045, 北區, 東京, 日本
=====
東京蒙特埃爾馬納酒店（Hotel Monte Hermana Tokyo）
賣點：附近集人氣景點
酒店位於東京日本橋，由JR東京車站八重洲中央出口或日本橋站步行3分鐘即到。酒店亦附近有多個人氣景點，包括：東京晴空塔、江戶城歷史遺跡、上野動物園等。設計用以深木色為主，非常有江戶時代特色，而令人最驚喜嘅就一定係親民價錢，一晚價格最低只係HK$170起！
地點 : 3-3-15, Nihonbashi Chuo-Ku, 103-0027, 中央區, 東京, 日本
=====
9小時女性新宿（9h Nine Hours Woman Shinjuku）
賣點：女生獨遊之選
開業1年多嘅9h Nine Hours Woman Shinjuku膠囊酒店，主打為一眾女士而設，以黑色及木系設計為主，提供24小時check-in服務，最啱適合獨遊日本、預算唔多嘅女生們，特別係啱啱畢業嘅女同學們。
地點 : Shinjuku 2-13-7, 160-0022, 新宿區, 東京, 日本
=====
星野集團 OMO3 東京赤阪（OMO3 Tokyo Akasaka by Hoshino Resorts）
賣點：性價比高
星野集團旗下第3間東京OMO酒店，步行3分鐘便就可以赤坂見附站同埋JR赤坂站。房間走簡約路線，以黑白為主，房價低至約 HK$200 一晚，性價比高。酒店的早餐更是與「日本咖啡之父」上島咖啡合作炮製，絕對值得一試。
地點 : 4-3-2 Akasaka, 107-0052, 港區, 東京, 日本
=====
JR東日本大森METS酒店（JR-EAST HOTEL METS OMORI）
賣點：超級新淨
2023年9月尾先開幕，環境設施都仲係非常新淨，酒店走大自然簡約路線，房間以草綠色為主，仲配有唔少木系設計，令人好似置身森林，非常值得打卡影相用。位置鄰近JR大森站，附近亦有唔居酒屋同小吃店，外出覓食就輕鬆得多！
地點 : 1-6-16 Omori-Kita, 143-0016, 大田區, 東京, 日本
=====
THE 皇家花園 CANVAS酒店銀座迴廊街（The Royal Park Canvas Ginza Corridor）
賣點：超多食肆選擇
酒店坐落在銀座/築地，銀座線、日比谷線都好近，7至10分鐘路程就到，附近已經有齊超人氣景點，一大賣點就係一出門口已經好多餐廳選擇，包括松川、銀座 しのはら仲有傳，當中唔少菜式都係遊客力捧。
地點 : Ginza 6-2-11, 104-0061, 中央區, 東京, 日本
=====
池袋祕密酒店（Hotel Hisoca Ikebukuro）
賣點：少女風打卡風格
2023年3月開幕，前身係Hotel Domani，仲係電影《天氣之子》場景參考之一。酒店主打輕奢路線，房間以糖果色為主，充滿少女感！大家都知東京酒店房出名細，但吒間酒店房間空間夠大，仲有大浴缸、桑拿房，最多可以容納6人家庭房，親子旅行之選。
地點 : Nishiikebukuro1-10-4, 171-0021, 豐島區, 東京, 日本
=====
HOTEL GROOVE 新宿，PARKROYAL酒店（Hotel Groove Shinjuku, A Parroyal Hotel）
賣點：房間超大落地玻璃
地理位置非常方便，酒店有羽田、成田機場來回巴士，每間客房都配備超大落地玻璃，整個東京市中心景色都睇到晒。酒店有齊餐廳、酒吧，而且一門就已經係歌舞伎一番街，有唔少食肆同便利店俾你揀，絕對適合喜歡熱鬧嘅你！
地點 : 1-29-1 Kabukicho, 1600021, 新宿區, 東京, 日本
=====
東京灣拉維斯塔酒店（La Vista Tokyo Bay）
賣點：東京港灣景色
作為Dormy Inn旗下度假村嘅副線，酒店嘅設計的確唔錯。設有兩個溫泉浴場，如埋露天浴池，可以俾住客一邊享受溫泉，一邊欣賞東京風景。酒店有4種房型供應，其中露台客房仲有落地玻璃，能飽覽東京港灣景色，浪漫奢華，情侶出行一定要揀！
地點 : Toyosu 6-4-40, 135-0061, 江東區, 東京, 日本
=====
東急STAY新宿東區（Tokyu Stay Shinjuku Eastside）
賣點：短、中長期入住之選
酒店由大江戶線東新宿站步行只需3分鐘，集中歌舞伎町、東區廣場等，非常方便。房入面有微波爐、洗衣機/烘乾機，部分仲有廚房，無論係短、中長期住宿都好啱。至於房型，有雙人房、雙床房、花園套房等，一晚由HK$611起。
地點 : Kabukicho 2-3-24, 160-0021, 新宿區, 東京, 日本
=====
