【日本好去處】全球首個「東京沉浸式主題城堡」2024年3月台場面世！佔地超過30萬呎 提供12款遊樂設施
2024年去日本又有新嘢玩！號稱全球首個沉浸式主題樂園「東京沉浸式主題城堡（IMMERSIVE FORT TOKYO）」，將於2024年4月喺東京台場開幕。主打玩家以第一身走入遊戲故事入面，唔少緊張刺激情節！樂園佔地超過30萬呎，提供12個遊樂設施，6間商店同餐廳，準備好訂飛去日本未呀？
主打沉浸式體驗嘅「東京沉浸式主題城堡」，由唔同嘅故事體驗組成，就算只係喺餐廳享受緊美食，紛紛都會成為故事嘅主角之一，隨時成為故事入面關鍵人物，或者捲入唔同嘅神秘事件！
=====
《福爾摩斯－貝克街謀殺案》
以福爾摩斯為背景嘅沉浸式劇場，除咗有主角福爾摩斯、助手華生、探長雷斯垂德外，仲有48 個小說、電影入面嗁角色都會出現！
大家更可以隨意穿梭福爾摩斯office、謀殺現場、破舊酒吧等，一齊加入追尋案件嘅成員，甚至有可能自己都係兇手之一！
=====
《江戶花魁奇譚》劇場
沉浸式劇場「江戶花魁奇譚」將江戶時代嘅場景重現，將故事獨特世界觀帶俾大家，最大賣點係，大家既一舉一動都會導致唔同嘅結局，所以每次去玩都有唔同嘅體驗，非常獨特！
=====
《東京復仇者逃脫》
以人氣漫畫《東京卍復仇者》為背景，打造了逃脫型沉浸式劇場，「東京滿會成員」將會出現喺大家面前，一齊加入解開謎團。而且仲有實戰打鬥，非常刺激！
=====
《開膛手傑克》恐怖迷宮
恐怖片愛好者，一定唔可以錯過《開膛手傑克：白教堂殺手》沉浸式恐怖迷宮，大家一齊目睹兇手開膛手傑克嘅謀殺現場，大家更可能成為其中一個受害者！
=====
《我推的孩子》「Identity V 第五人格」
以大熱動漫《我推的孩子》為主題，打造沉浸式動作迷宮《IdentityV 沉浸式追逐》、《我推的孩子沉浸式拉力賽》等，作為Fans就唔好錯過！
一日沈浸通行證休閒：成人 6,800 日元、兒童 3,000 日元
包括（★）：第五人格沉浸式追逐、【個性化】沉浸式拉里、開膛手傑克：白教堂兇手、沉浸式故事~沒人知道的真正的韓塞爾和格蕾特~、歌舞表演、派對盛宴！ 間諜行動！ 貝克馬戲團
一日沉浸式通行證標準：成人 9,800 日元，兒童 6,000 日元
目標：除上述（★）外，《神探夏洛克》-貝克街連環謀殺案-或《東京復仇者沉浸式逃脫》
一日沉浸式通行證高級版：成人 14,800 日圓
對象：除上述（★）以外，江戶花魁喜界
東京沉浸體驗城堡
IMMERSIVE FORT TOKYO/イマーシブ・フォート東京
地址：東京都江東區青海1丁目3
