【深圳美食】羅湖直達重慶老火鍋！必食招牌菜臉盆大苕皮+紅燒耙牛肉

返深圳玩，唔少人都會揀影相呃like嘅餐廳，今次就為大家介紹，一過羅湖就到嘅火鍋店！店內主打將地道重慶菜式同火鍋結合，餐廳裝修風格以紅色為主調，就連樓梯都係紅色，非常適合打卡！

作為主打重慶菜嘅餐廳，必食鹵得入味嘅紅燒耙肥腸，先將肥腸喺火鍋燙一下，吸收湯汁，惹味好食！另外紅燒耙牛肉，油潤香辣，入味之餘非常下飯！招牌菜臉盆大苕皮，燙8秒即可食，口感韌勁唔痴牙，仲可以包住其他食材一齊食，口感豐富！記得食埋後火鮮蝦餅，酥脆蝦餅仲有5至6隻新鮮蝦，海鮮迷最愛！

火辣過後唁少得飲返杯冰冰西瓜水果茶，冰涼爽口，仲好上鏡！想食得地道啲？記得飲埋甘醇清爽重慶啤酒，邊飲邊食火鍋，簡直係絕配！

后火鍋（深圳首店）
地址：兆鑫匯金天琅大廈一層102A
交通：1/3號線老街站C口步行330米
營業時間：11:00~02:00