【日本好去處】打造東京全新地標 行勻過百間商店兼可24小時浸温泉！

自2018年，東京築地市場就遷移到豐洲市場～

嚟緊豐洲市場附近又有全新嘅旅遊景點喇！

係咪好心急想知道裡面有咩呢？

新建嘅地標名為千客萬來（千客万来施設），

分成温泉館樓層同埋商業樓層，總建築面積達34,000平方米！

其中二樓會直接連接「市場前車站」（市場前駅），

主要以木為建築風格，重現江戶嘅街景！

裡面仲會有過百間商鋪㗎～

至於三樓將會有美食廣場同餐廳，

可以喺呢度享用壽司、新鮮水產、丼飯等美食～

值得一提係，呢度仲會提供24小時開放嘅温泉連住宿設施！

由萬葉俱樂部經營嘅温泉館，採用嚟自湯河原同箱根嘅温泉～

仲有露天浴池、桑拿、岩盤浴、按摩設施等，一應俱全！

而屋頂觀景台更設有免費足浴花園，

到時就可以一邊享受，一邊欣賞豐洲嘅景色！

睇嚟又係時候要計劃出發去東京喇！

千客萬來（千客万来施設）
暫定開幕日期：2024年2月1日
地址：東京都江東區豐洲6-101-1
交通方式：乘坐百合海鷗線至「市場前駅」

圖片來源：萬樂俱樂部、東京都中央卸売市場、YouTube