【深水埗好去處】主教山配水庫8.1起毋須預約！另設導賞團~附報名方法詳情！

暑假唔知有咩親子活動？不如去參觀深水埗主教山配水庫喇，早前導賞團長期爆滿，好難預約！宜家改咗新制度啦~

水務署日前宣布，前深水埗配水庫 8 月 1 日起無須預約，市民可入場參觀。但配水庫僅能容納 100 人，若場內參觀人數眾多，仍然需要按先到先得方式輪候入場。

不過8月1日新安排實施後，水務署仍會提供導賞團服務。星期一至五下午將舉辦一節團體導賞團（每月首個星期二的休館日除外），而星期六及日下午則舉辦兩節個人導賞團。
市民可透過配水庫網站了解更多詳情及預約。而由於導賞團報名情況熱烈，個人導賞團於7月31日至8月31日之名額已爆滿，市民可於8月1日早上9時開始預約9月1日至9月30日之時段。

主教山配水庫於2021年3月被評定為一級歷史建築物，建築物內嘅混凝土拱形天花、仿羅馬紅磚及花崗石柱都好值得參觀。

如果大家都想參觀就記住要預約參加水庫導賞團，導賞團每次為時約九十分鐘，可以參觀配水庫的內、外設計、建築結構，仲會介紹九龍食水供應系統發展歷史等，讓市民親身了解和欣賞這座歷史建築。

「前深水埗配水庫」自助導賞遊
地址：深水埗石硤尾窩仔山山頂
深水埗配水庫導賞團：預約導賞團

注意：參加者必須於參觀當日年滿8歲。另外，參加者不可攜同嬰兒進入前深水埗配水庫。

圖片來源IG：@iamline819、@hkreminiscence

資料來源：水務署