【大圍美食】新開復古茶室，必試手沖精品茶+茉莉花茶蛋糕+刈包

大圍最近新開咗一間茶室，主打手沖精品茶，亦有意粉、刈包及甜品。由人氣茶室「想爺爺了」開設，通過特色茶飲推廣茶文化，店內除了手沖精品茶，仲有茶拿鐵同鍋煮奶茶！

店內採用復古木系裝潢，令人感覺放鬆，可以坐喺bar檯近距離睇沖茶過程。喺茶室放慢節奏歎杯茶，享受慢活。

唔知飲咩茶好可以搵店員推介，鐘意試新嘢嘅推介試下「微燻可樂」，以煙燻小種紅茶加可樂同花椒調製而成，味道幾特別。

手沖精品茶選擇都幾多，menu亦有詳細風味介紹，方便自己挑選啱口味嘅茶飲。

其他輕食料理都好吸引，包括有意粉、刈包同蛋糕，假期約friend去飲茶食個lunch！

老去茶事
地址：大圍積信街77-81號積善樓地下
營業時間：11:00-21:00

圖片來源：@f.o.y.l_、@hkhungryfoodie