【日本住宿】福岡全新精品酒店！機場4站就到！五大特色非住不可！

日本一向都係人氣旅遊勝地，

除咗東京同京都之外，近年愈嚟愈多朋友轉戰福岡！

福岡市區「中洲」相當繁華，係唔少人去九州嘅落腳點～

而2023年夏天開幕嘅呢間全新精品酒店，入住前一於了解下先啦！

亮點一：地理位置佳

呢間酒店正正鄰近地鐵「中洲川端」站，距離機場都係四個站就到！

附近仲有購物街同充滿庶民風情嘅屋台小食，真係超方便！

亮點二：特設露天休憩空間

酒店2樓有一個位置，叫做「Canvas Lounge」，

四周都被花草樹木包圍，

喺露天陽台更加可以眺望到博多川畔嘅景色㗎！

亮點三：山谷大浴場

酒店有一個以九州山谷為主題概念嘅大浴場，特設噴霧淋浴，

加上閃爍嘅光影，營造出深山峽谷嘅感覺～

係咪好有Feel呢？

亮點四：獨一無二嘅柴燒餐廳

呢間餐廳係利用九州山區嘅木材、石頭等材料打造而成，

加上廚房中傳出陣陣嘅柴火香氣～

相信享受美食嘅時候，都特別覺得有風味呀！

亮點五：大地色系房間設計

酒店一共有255間客房，位於4至14樓～

房間利用木系傢俬配上大地色系嘅裝修，

打造出「都市中的森林」!

睇到呢度，係咪心動想入住呢？

The Royal Park Canvas 福岡中洲
地址 : 福岡県福岡市博多区中洲5丁目6他