【香港】長沙灣奶黃色韓系Cafe，新出抹茶系列+必試抹茶紅豆波波鬆餅

今次介紹呢間長沙灣Cafe都臨近荔枝角，喺附近返工都可以過去chill下~

店內裝潢韓系奶油風，配上藤編椅~

食物主打韓式fusion菜，新出嘅抹茶系列都值得一試！

必試期間限定抹茶紅豆波波鬆餅~ 即叫即整，食落鬆軟可口，完全唔會覺得甜膩，甜度適中，配上香濃甘甜嘅抹茶醬，好正~

仲有自家製Oreo抹茶芝士蛋糕，茶味香濃，甘香綿滑。小編都特別推介！

另外韓式fusion菜都唔錯，份量十足，推介煙肉蘑菇忌廉汁年糕同韓式辣醬魚糕雞肉意粉。

煙肉蘑菇忌廉汁年糕：年糕煙韌軟腍，配上煙肉蘑菇更香口。

韓式辣醬魚糕雞肉意粉：估唔到辣醬同意粉都可以咁夾，配上魚糕同雞肉，口感豐富，帶少少香辣。

另外飲品推介Matcha Latte同Crazy Chocolate，兩款都好啱打卡~咖啡拉花好靚。

Wuli Cafe
地址：長沙灣元州街482-492號金碧閣地下4號舖