fbpx

【香港IKEA】全新焦糖燉蛋味新地,香甜迷你布甸粒及焦糖醬

1 月 2, 2024 | 香港, 熱話

踏入2024年,IKEA餐廳及美食站推出多款美食!必試全新焦糖燉蛋味新地及柚子唐揚雞塊,炸雞配雪糕真係perfect!

香港同澳門餐廳同步推出嘅係香草蜜糖烤鴨胸配番薯蓉同無花果燒汁!烤鴨胸色香味俱全,加埋香草蜜糖汁,外脆內嫩,令人回味無窮。

另外仲有新驚喜主食,卡邦尼意粉配20個月白毛豬火腿,卡邦尼意粉爽口彈牙,醬汁唔膩,加埋白毛豬火腿,鹹甜度平衡,新鮮配搭帶嚟新氣象!




仲有健康之選松露雞肉牛油果凱撒沙律,松露雞肉嫩滑,加埋超級食物牛油果,前菜清爽可口,又營養豐富。全新餐單喺1月期間都有供應,一齊去港澳IKEA餐廳試下啲美味啦!

除咗餐廳有新年限定美食之外,港澳IKEA美食站都同步推出柚子唐揚雞塊配他他醬

而香港美食站獨家供應焦糖燉蛋味新地筒焦糖燉蛋味新地配迷你布甸粒同焦糖醬,一入口就有濃郁嘅吉士味,質感滑滑嫩嫩,再加上彈牙嘅迷你布甸粒,口感豐富,甜而不膩!

IKEA新年限定美食
供應日期:1月1日至1月31日供應

*以上資訊只供參考,如有任何變化或更改均以現場情況或商戶決定為準*

Klook.com
X