fbpx

【香港】觀塘3層馬會體驗店!打卡+騎馬機足球機!仲有工作坊!

9 月 27, 2022 | 觀塘 / 九龍灣 / 鯉魚門, 香港, 玩樂

☉ 瀏覽次數 : 1545

喺成業街嘅賽馬會投注處剛完成翻新,佔地三層,變身成全新概念店。除咗投注服務,仲加設咗「Turfland」餐飲同玩樂體驗,部份空間以露營為設計主題,又附設「爭勝競技場」,設有大型螢幕,可以試試策騎、足球訓練嘅滋味,儼如繁忙鬧市中嘅party room一樣!

成業街入口t地下放置咗一啲適合打卡嘅glamping區,有售賣潮流玩物嘅自助售賣機,仲有獨立專區,可以舉辦主題講座或DIY工作坊活動,開源道入口則係投注大堂,空間比以前更寬敞。

M層係全新概念嘅爭勝競技場,競技場共增設四款賽馬同足球模擬訓練設施,可以體驗到賽馬、策騎對決、互射十二碼、足球神射手競賽等唔同互動訓練。仲可以喺競技場坐低抖抖,提供刊物同桌遊俾大家玩,只要購買全日或全月通行證可使用設施,新張期間仲有買一Pass送一Pass優惠!




再上一層就係最新增設嘅餐廳,有露營帳篷、野炊用具同放滿木長枱嘅室內露營空間Turfland,可以歎住冷氣喺營入面打卡,仲有享用Sensory Zeno提供嘅餐飲。仲設有一架載馬車出餐,仿照咗馬會來往從化馬場同沙田馬場嘅運馬車,非常有特色。Turfland中央嘅綠樹,底座係由香港木庫以再生木所砌成,上面有QR code可以掃一掃,有佢嘅背景資料,賽馬日仲會有special menu!

賽馬會觀塘體驗店
地址:觀塘開源道68號觀塘廣場地下,G15, M20, 116號舖
Turfland營業時間:12:00 – 21:30*(非賽事日毋需預訂)
日間 / 夜間賽事日時段:首場賽事開跑前2小時至尾場賽事(需要預訂)
*如當晚轉播即時海外賽事/足球直播將營業至23:30

收費:
本地賽事日: $228/一人座位、$456/二人枱、$912/四人枱(已包括服務費)
非賽事日:按餐牌收費

備註:未滿十八歲人士不得投注或進入可投注的地方;場地不接受電話訂座,入場門票可於網上或現場購買

 

*以上資訊只供參考,如有任何變化或更改均以現場情況或商戶決定為準*

Klook.com
X