fbpx

【香港】港台Fusion滷味x竹蔗水打邊爐!台灣直送火鍋配料+宮崎A4和牛!

8 月 17, 2022 | 中環 / 上環 / 西環, 香港, 美食

☉ 瀏覽次數 : 681

台灣人氣過江「燈籠滷味 T.P.E.」中環店最近同香港老字號「公利真料竹蔗水」推出中環店期間限定港台 fusion 火鍋套餐,必試清甜「公利特選甘蔗椰香清雞湯」同惹味的「燈籠招牌滷牛骨湯」湯底!

用咗高質又新鮮嘅食材泡製湯底,由「公利真料竹蔗水」新鮮供應時令竹蔗、仲有獨家秘製滷湯、日本涓豆腐、同各種燉湯藥材。燈籠滷拼火鍋 2 人套餐獨家喺《燈籠滷味 T.P.E.》中環店期間限定供應,六點起晚市就有得食啦!

2 人火鍋套餐,提供四款湯底選擇,包括與「公利真料竹蔗水」嘅「公利特選甘蔗椰香清雞湯」,用咗公利蔗汁、鮮雞同椰青等材料熬製,無添加人工糖,清甜得嚟消暑又下火!「燈籠招牌滷牛骨湯」就選用咗燈籠台灣總店直送滷湯,以多款藥材再加上大量牛骨熬製,濃厚不膩!自家研製嘅「台式「您磨嗎?」麻辣鴨血湯」,以燈籠滷湯作基底,加入燈籠椒、辣椒乾、生辣椒、自家炒製麻辣醬同鴨血製成,仲有花椒俾大家自行磨製,調高辣度!「豆腐香菜清湯」就選用雞湯同豆香較濃又滑身嘅日本涓豆腐。




有別於坊間火鍋,堅持引入台灣直送嘅地道火鍋配料同新鮮食材,例如季節性限定嘅台灣水蓮、非常少見嘅大豆皮等。店家仲堅持唔做任食放題,只作期間限定火鍋,務求帶來最佳飲食體驗同質素有保證嘅食材。

公利特選甘蔗椰香清雞湯
以鮮雞加上椰青、公利蔗汁製作,清甜椰青蔗汁味,建議邊爐前先試試湯底,清甜消暑。

燈籠招牌滷牛骨湯
燈籠滷湯由台灣師大夜市總店直送,由數十種中藥材熬製而成,加入大量牛骨烹煮令湯底味道更濃厚更有層次。

辛香∙台式「您磨嗎?」麻辣鴨血湯
以台灣傳統滷湯,加入燈籠椒、辣椒乾、甜辣椒等製成香辛又入味嘅麻辣鴨血湯底。仲提供花椒俾客人自行磨製,隨口味調高辣度。

招牌滷肉三重奏拼盤(牛筋肉,蜂巢牛肚,大腸)
燈籠滷味招牌菜,台灣直送滷味呈現夜市味道。

台灣直送火鍋配料:甜不辣,麻吉燒,香菇貢丸,花枝丸,百頁豆腐,大豆皮,花干(炸豆腐),水蓮,王子麵等等,台灣直送到港。

宮崎A4和牛選用牛三角腩部位,入口即溶,油脂分佈平均;美國肩胛牛小排軟嫩肉味重;鹿兒島豚腩肉質鬆軟,肥瘦適中。

「公利真料竹蔗水」仲聯乘咗牛肋條湯飯,湯飯以蔗渣、蔗汁連牛肋條一同慢煮 6-7 個小時,清甜可口。

為慶祝燈籠滷味香港葵芳新店八月開幕,即日起於燈籠滷味 TPE 中環分店,惠顧燈籠滷拼火鍋:極上.豪吃 / 燈籠.滿足火鍋套餐,只需 Follow & Like 燈籠滷味香港 FB / IG,即可獲$50折扣優惠*。

* 此優惠有效期至 : 31 Aug 2022
* 此優惠只適用於香港燈籠滷味 TPE 中環分店
* 此優惠不可兌換現金或其他產品,並恕不找續
* 此優惠只限堂食,不可與其他折扣或優惠同時享用
* 「燈籠滷味香港」保留隨時修訂此優惠條款及細則之權利而毋需事先通知
* 如有任何爭議,「燈籠滷味香港」保留最終決定權利

燈籠滷味 T.P.E.
地址: 中環威靈頓街 2-8 號威靈頓廣場 M88 地舖
電話: 23382208
營業時間: 星期一至六11:45 -21:00 (20:45 Last Order)

*以上資訊只供參考,如有任何變化或更改均以現場情況或商戶決定為準*

Klook.com
X