fbpx

【香港】中環街市辦微型藝術展!展出100件作品!香港歷年最大微型藝術展!

6 月 2, 2022 | 中環 / 上環 / 西環, 香港, 玩樂

☉ 瀏覽次數 : 2954

市區重建局同華懋喺中環街市合辦《細塑今昔•智建未來》微型藝術展,展覽共展出100件作品,係香港歷年最大型嘅微型藝術展!有25件仲係全新作品。

微型藝術展將喺7月5日展開第二階段,加推咗40件作品登場,包括由加拿大雕塑家製作嘅《秋天的童話》,仲有《龍鳳大禮堂X 滿漢全席》同《夕照鯉魚門》等等。其他作品都會繼續展出直至展覽完結!

《秋天的童話》重現經典電影結局,周潤發同鍾楚紅喺海邊餐廳Sampan重逢,可以算係好多香港人嘅集體回憶之一。




《龍鳳大禮堂X 滿漢全席》作品重現1977年日本電視台NHK嚟香港拍攝香港國賓大酒樓製作嘅滿漢全席。

《夕照鯉魚門》重現維港內逾150年歷史唯一漁村,橫街窄巷、小船靠岸情景製作一絲不苟。

 

欣賞呢100件嘅微型作品,就好似已經遊走咗全港十八區嘅特色景點,維港煙花夜景、大坑舞火龍、黃大仙祠風車檔等等都可以見到,仲可以走入時光隧道,觀摩五十年代嘅生活,改建前中環街市都可以見到!

呢個展覽係配合政府慶祝回歸祖國25周年嘅活動之一,較矚目嘅作品《維多利亞港》就展示咗維港嘅標誌性建築物,包括最新落成嘅會展站,仲有電腦動畫模擬煙花背景,呈現出香港嘅獨特夜景。

展覽主要分為六個類別,包括小店、節日、街景、美食、建築同人物。參與嘅藝術家或團體超過100個單位,由即日起至7月16日喺中環街市展出,免費入場

*以上資訊只供參考,如有任何變化或更改均以現場情況或商戶決定為準*

Klook.com
X