fbpx

【筲箕灣美食】人氣京水鴨醬油拉麵!多款特式食材拉麵!仲有緣份隱藏菜單!

8 月 25, 2023 | 香港, 鰂魚涌 / 西灣河 / 筲箕灣, 美食

櫻月位於筲箕灣,係主打拉麵及各款日式料理嘅居酒屋。店主以來自日本及世界各地優質食材秘製烹調,秘研出多款特色居酒屋美食。

店主於三年前疫情初開之時以拉麵作為店內主打菜式,京水鴨醬油湯拉麵係秘製烹調嘅主打人氣拉麵,深受客人歡迎。近年更積極引入多款日本優質食材,研製出多款特色的日式美食,提供各類清酒同店主精心調配秘製日本特色雞尾酒。

極品海膽蝦餃子 HK$88
鮮蝦包上腐皮再配上極品日本或加拿大新鮮海膽及飛魚子為主要材料,佐酒絕配。




朴葉焗蠔 HK$138
以日本朴葉包裹3L日本直送廣島蠔焗製。
先用熱水輕灼蠔配以自家製麵豉醬,放入帶有特別香氣嘅日本朴葉烤焗兩至三分鐘,再喺朴葉上噴上日本清酒以提出鮮味。
品嚐焗蠔過後,會再用上碟上蠔汁精華混合成一碗鮮味香濃蠔湯,一蠔兩食。

櫻花蝦茄子田樂HK$48
把茄子放於烤爐上均勻烤燒,再放秘製麵豉蝦醬,面層舖上經過炒香嘅櫻花蝦。

京都水鴨拉麵配鹽味醬油湯底 (配京都水菜) HK$158
京都水鴨屬日本名物,皮脆肉嫩,鴨味偏重,肉帶甜味,以味道中濃度鹽味醬油作為湯底令鴨肉鮮味更為提升,再配以京都水菜,突出京都鴨肉鮮甜味。
湯麵選取於香港設廠以日本麵粉精製而成嘅拉麵作為麵底,麵質爽口彈牙又順滑。

藍鰭吞拿魚腩大蔥拉麵 / 拖羅拉麵HK$238
藍鰭吞拿魚腩大蔥拉麵,選上特級精選藍鰭吞拿魚腩,於上菜時用火灼槍把魚腩均勻地燒灼,令魚皮油份溢出,入口魚腩油脂香味分散口腔之內,脂肪分佈均勻,入口即溶。再配上秘製麵豉湯底。

鰻魚大阪燒餅 HK$158主要材料是日本福岡縣鰻魚、高麗菜、麵糊混合以精選鰻魚煎至燒餅金黃香脆,加上秘製大阪燒醬汁。

櫻月亦設有Sake Set 為三杯精選清酒,主廚根據料理菜式而為顧客選出不同風味同特點嘅清酒,在清酒的配搭下的料理更觸發令一層次味蕾之體驗。

此外,櫻月亦提供了按杯點選項,讓客人可以輕鬆地品嚐不同種類的清酒,同時嘗試以不同料理搭配。

櫻月除了以上豐富菜式,店家每天都會有不同燒物、鐵板燒和拉麵嘅緣份推介。根據當天食材和主廚靈感創作,每日都會有唔同驚喜菜式。如店主所言,一切階是緣,有緣人才有機會品嚐此特式隱藏美食!

櫻月
地點: 筲箕灣筲箕灣道269A號地下D及E號舖
電話: 98753918 (訂座)
營業時間:星期一 (全日休息) 星期二至日(12:00 – 15:00, 1800 – 23:00)

*以上資訊只供參考,如有任何變化或更改均以現場情況或商戶決定為準*

Klook.com
X