fbpx

【旺角好去處】過百隻CareBears登陸朗豪坊!夢幻粉色打卡毛公仔牆!

4 月 12, 2023 | 旺角 / 太子 / 大角咀, 香港, 玩樂

CareBear 首度登陸香港,過百隻 CareBears喺kkplus 朗豪坊店,於 4 月 12 日至 5 月 14 日舉行 CareBears Pop-Up Event @kkplus!

粉系棉花糖色嘅毛毛覆蓋全場,100 隻 CareBears 打造壯觀毛公仔牆打卡熱點,沉浸喺夢幻粉色之中!同場發售超過 40 款限量 CareBears 毛公仔,仲有 kkplus 首發別注款式!

嚟自美國八十年代嘅CareBears,最初出現喺賀卡設計上,鼓勵關心他人傳達心意,及後延伸推出一系列毛公仔玩具、電視卡通同動畫電影,故事圍繞小熊們嘅冒險歷程,從中學習到關懷、友誼、勇氣等正面特質,至今創作出過百小熊角色,每隻可愛小熊都有獨特嘅顏色同圖案。




Pop-Up門外一眾可愛小熊,如肚子掛著彎彎彩虹,樂觀正面,粉紅色嘅Cheer Bear,掛著雷雨烏雲性格直率燥動,深藍色嘅Grumpy Bear,掛著四葉草代表好運氣,草綠色嘅Good Luck Bear 等排著隊準備到訪。穿過彩色拱門沿著虹橋,便嚟到由 100 隻 9吋小熊組成嘅超現實壯觀毛公仔牆,可與好友一同打卡!

走進去攜手探索懸浮雲朵嘅甜心樂園,喺心形打卡鏡同軟綿綿毛毛佈景中拍照,跟 CareBears 穿梭夢幻空間,與一眾小熊同步快樂!

同場發售一系列 CareBears 可愛周邊,包括四十款限量 CareBears 及三款 kkplus 首發特別版:

14 吋 Calming Heart Bear 香氣毛公仔9 吋 Sweet Celebrations Bear 香氣毛公仔、及 9 吋 Birthday Bear 金粉毛公仔,仲有毛毯、毛巾、童裝泳衣與水抱泳具等單品!

場外特設 Y2K 少女地帶,隨著復古風潮,帶來《我係小忌廉》、《美少女戰士》、My Melody 等熱賣周邊,如毛公仔、文具、茶具杯碟套裝等,重溫滿滿少女回憶!Y2K 少女地帶更隆重推出經典青春無限影相機,以復刻價 30 元(原價$60)再次體驗,自選復古相框,再加上多款可愛圖案,與好友拍下屬於你們的青春時光!

 

CareBears Pop-Up Event @kkplus 開放時間
日期:2023 年 4 月 12 日至 5 月 14 日
時間:中午十二時至晚上九時
地點:九龍旺角朗豪坊商場 12 樓 kkplus Pop Up Store

*以上資訊只供參考,如有任何變化或更改均以現場情況或商戶決定為準*

Klook.com
X