每次去日本都係去主題樂園/shopping？

如果唔想咁多人，可以考慮欣賞風景！

四國香川縣都有一個神秘景點，你或者未曾去過…

喺海拔407公尺嘅伊薩米山頂部建有一座神殿，叫做高屋神社本宮！

神社嘅位置並無公共交通工具到達，一落車由山腳行到神社，

係需要花大約50分鐘行上200幾級樓梯，

所以遊客唔多，亦因為咁先稱得上為隱世景點！

一上到去，你會發現一望無際風景盡在腳下～

行上嚟嘅時間同精力都係值得！！

由主宮殿可以飽覽觀音寺市市內同瀨戶內海嘅景色！

越過鳥居望到嘅景色更加係令人讚嘆不絕！

呢個就係傳說中嘅最接近天空的鳥居！

無論係咩季節都可以欣賞到咁靚嘅風景～～

下次去四國，有時間都可以上嚟！

高屋神社本宮（天空的鳥居）
地址：日本香川縣観音寺市高屋町2800
交通：由JR觀音寺站乘搭計程車約13分鐘就到 / 乘搭三豐市社區巴士「仁尾線」到室本落車，步行約50分鐘就到

*以上資訊只供參考，如有任何變化或更改均以現場情況或商戶決定為準*