fbpx

【日本住宿】東京布丁狗主題房登場!仲有小手袋+毛公仔+保溫壺可以帶走!

3 月 2, 2023 | 日本, 玩樂

布丁狗粉絲注意了!作為元祖級嘅人氣角色,Sanrio就與日本三井集團旗下嘅三井花園酒店合作,喺東京同北海道分館推出各種布丁狗主題房型,飛日本嘅粉絲一定唔可以錯過!

東京嘅三井花園酒店-銀座五丁目以及北海道三井花園酒店-札幌西兩間酒店,共推出3款布丁狗主題房,布丁狗迷絕對住咗之後會唔捨得退房!

3款主題分別係「布丁狗躲貓貓房」、「布丁狗糖果派對房」以及銀座五丁目分館獨家嘅「布丁狗繽紛夢想房」,一入房門就隨處見到布丁狗同好友松鼠「貝果」、兔子「爽身粉」等角色!仲可以帶走多樣周邊產品!




一旦成功訂到布丁狗X三井花園酒店主題房,就會依照入住房型贈送相關主題周邊,從手提袋、小方巾、襪、穿著酒店制服嘅布丁狗公仔、保溫瓶、扣針、貼紙等應有盡有,商品上插畫全部都係因應合作所推出嘅全新插圖,保證滿足布丁狗鐵粉收藏慾望。

三井花園飯店 X 布丁狗主題房
預約日期:2023年2月27日起
開放住宿日期:2023年3月26日起
聯名分館:
三井花園飯店 銀座五丁目
地址:東京都中央区銀座5-13-15
三井花園飯店 札幌西
地址:北海道札幌市中央区北五条西6-2-4

====================

*以上資訊只供參考,如有任何變化或更改均以現場情況或商戶決定為準*

Klook.com
X