fbpx

【元朗好去處】南生圍日出晨霧仙景 冬春兩季限定輻射霧

2 月 16, 2024 | 香港, 元朗 / 天水圍, 玩樂

最近有唔少攝影發燒友天未光就出發去元朗南生圍,就係為咗影日出晨霧呢個仙景。

日出+晨霧+蘆葦草…

呢個令人震撼嘅景象都吸引唔少網民,大家都讚嘆原來香港有呢啲咁靚嘅自然景色!




香港天文台指出,南生圍呢個景象實際上係輻射霧,攝影愛好者稱之為「日出地霧」,通常喺日出時分短暫出現,係一種靠近地面嘅美麗霧氣。

顧名思義,輻射霧需要輻射冷卻現象出現,通常喺天朗氣清、風勢微弱嘅晚上,新界空曠地區會因輻射冷卻而顯著降溫,令靠近地面嘅水汽有機會凝結成霧。

輻射霧喺冬春兩季比較常見,每當日出後溫度上升,霧就會逐漸消散。

如果大家都想睇到南生圍晨霧,就要滿足以上條件,而且要早起先有機會睇到啦!

圖片來源 : facebook @ Vivian Yan

 

南生圍在哪裡?

南生圍位於香港元朗橫洲東面,山貝村北面,天福圍西北面,被錦田河及山貝河包圍。水退時,小島泥灘旁有很多候鳥會在該處停留,尤其是黑面琵鷺。除鳥類外,南生圍內亦有不同種類的植物及生物,如赤桉樹、蘆葦、紅頭潛鴨、青頭潛鴨及招潮蟹等等。

晨霧是甚麼?

晨霧其實是輻射霧,由於地表輻射冷卻作用使地面氣層水汽凝結而形成的霧。輻射霧在冬季、初春等季節比較常見。主要出現在晴朗、微風、近地面、水汽比較充沛的夜間或早晨。隨着太陽的升高,地面温度上升,輻射霧也會立即蒸發消散。

*以上資訊只供參考,如有任何變化或更改均以現場情況或商戶決定為準*

Klook.com
X