fbpx

【九龍城美食】秘製大紅袍滷水鵝!30年經驗大廚+多款川菜

10 月 19, 2023 | 紅磡 / 土瓜灣 / 九龍城, 香港, 美食

滷水鵝就食得多啦,有冇食過大紅袍滷水鵝呢?今次介紹呢間九龍城餐廳,店內滷水汁會加入茶葉,唔加豉油,另外會再配上自家製鵝醬!皮薄肉嫩嘅鵝片點上香濃鵝醬,真係齒頰留香!

滷水鵝片:選用110日獅頭鵝,滷水汁加入咗大紅袍茶葉,鵝肉皮薄肉嫩,鵝味香濃,滷水汁較為清淡,點上用蒜蓉及鵝油等材料秘製嘅鵝醬,更添風味!

自選滷水拼盤:鵝五寶包括鵝腸、鵝肝、鵝腎、墨魚片及鵝紅。鵝肝及鵝腸幾出色,鵝肝口感細嫩綿滑,鵝腸爽脆入味。




當紅炸子雞:選用130日走地雞,即叫即炸,皮脆肉嫩,有雞味。

水煮魚片:餐廳水煮湯底用鵝骨熬煮,食得辣嘅可以試下飲埋湯底,飲落麻辣又香甜,魚片嫩滑鮮香!

滷金小炒王:小炒王好有鑊氣~有多款海鮮,好足料!

菠蘿咕嚕肉:甜酸汁調味適中,咕嚕肉外脆內嫩。

另外餐廳有多款小菜及海鮮菜式,下次朋友聚會不妨一試啦!

滷金歲月 (衙前圍道)
地址: 九龍城衙前圍道54號地舖
電話: 97371661

*以上資訊只供參考,如有任何變化或更改均以現場情況或商戶決定為準*

Klook.com
X