好掛住人山人海嘅台灣夜市啊！咁耐冇去過旅行，而家機會嚟啦飛雲！西環海濱一連三個周末都有夜市，喺香港都可以感受到台灣夜市氣氛！

環保團體「堅農圃」同Slainte Hk一齊舉辦「堅農夜市」，喺堅尼地城嘅海傍舉行周末市集，除咗有多個本地品牌參與，有手工飾物、寵物用品、美食、皮革等產品外，氣氛仲非常熱鬧！入夜後人潮就好似泰國同台灣嘅夜市！

除咗購物仲有小食售賣，唔買嘢同朋友去現場感受氣氛都唔錯㗎！場地仲係寵物友善，可以帶埋毛孩一齊逛逛，趁住最後一個週末帶埋主子去個小旅行啦！

堅農·夜市
地址：西環堅尼地城卑路乍灣海濱長廊（堅尼地城港鐵站A／C出口前行約5分鐘）
日期：2022年5月28日至6月5日（逢星期六、日）
時間：16:00 – 22:00

圖片來源：堅農圃、SlainteHK

*以上資訊只供參考，如有任何變化或更改均以現場情況或商戶決定為準*