旺角又有新開嘅日式燒肉店啦！主打澳洲頂級和牛同海鮮！仲係放題店，有超多唔同部位嘅牛食，仲有多達154款料理俾你任食！

呢間店舖有4款唔同價位嘅燒肉放題套餐，分別有任食澳洲M8和牛同伊比利亞黑毛豬，一共154品嘅【頂級澳洲和牛海鮮放題】；可以無限追加多款海鮮！另外有139品嘅【極上牛小排海鮮放題】、113品嘅【上品牛肩胛放題】，有日本直送嘅博多雞同宮崎豬可以食，仲有92品嘅【厚切豚肉放題】。每款放題都可以無限追加醬料、多款日式野菜、冷盤、小食、主食、甜品同湯等等，每位客人都會有免費 MÖVENPICK® 雪糕一杯同無酒精飲品放題。

推薦M8和牛封門柳，超香濃肉味，仲入口即溶！

伊比利亞黑毛豬肋條，肉質爽口，仲有淡淡嘅榛果香味。

車海老，蝦味濃郁蝦肉又爽口！

半殼生蠔，蠔肉飽滿肥美，超正！

鯖魚一夜乾，超少見嘅選擇，新鮮鯖魚經醃漬同風乾後，再烘烤，真係超正！佐酒一流！

本場

旺角彌敦道628號瓊華中心16樓

 

*以上資訊只供參考，如有任何變化或更改均以現場情況或商戶決定為準*