呢度排隊，嗰度又排隊……
唔飲奶精！為咗飲一杯高質黑糖珍奶，價錢貴啲甚至要排隊都係值得！
咁多間揀邊間好？等小編幫大家集合哂獲好評嘅6間店鋪啦！
(排名不分先後~~~)

===============
老虎堂 黑糖波霸鮮奶
雖然老虎堂台灣總店曾經被踢爆黑糖係用機器炒製，但依然人氣不減！
IG洗版王嘅招牌黑糖波霸厚鮮奶並唔係浪得虛名！
做法跟足台灣總店，以100%鮮奶取代奶精～
黑糖仲係每日新鮮製造，再加入波霸以細火慢煮～
想食到最彈牙嘅珍珠，記得搖15下先好飲呀！

INFO.
地址︰銅鑼灣渣甸街36號3號舖

===============
幸福堂 黑糖珍珠鮮奶
超人氣嘅幸福堂終於登陸香港喇～
位置同樣喺銅鑼灣！！
以現場古法手炒黑糖珍珠，飲得出係粒粒分明！
仲標榜著無添加色素～
各位係時候衝去排隊喇～

INFO.
地址： 銅鑼灣渣甸街36號地下1號舖

===============
花斑茶社 黑糖珍珠厚鮮奶
近年愈開愈多間分店嘅花斑茶社！
黑糖珍珠厚鮮奶真係好有水準～
珍珠份量適中，軟硬度啱啱好，口感煙韌，
仲有陣陣黑糖味，配埋香滑嘅鮮奶真係無得輸！

INFO.
地址：荃灣荃興徑2-8號昌泰大廈地下4號鋪

===============
鹿角巷 黑糖鹿丸鮮奶
人氣之一嘅鹿角巷一樣係由台灣桃園紅到香港！
用黑糖熬煮台灣直送黑糖鹿丸而成～黑糖味重！
珍珠好大粒，偏硬身！
另外亦採用咗日本明治全脂鮮奶做基底，飲落又香又滑～
珍珠同鮮奶搖勻之後飲，味道恰到好處！

INFO.
地址：旺角西洋菜南街2J-2Q號新江大樓地下3號舖

===============
蜜滋麻美 花芝黑糖珍珠鮮奶
作為店內嘅招牌飲品，當然有一定嘅賣點！
佢嘅花芝麻黑糖珍珠鮮奶超好飲，
除咗有手炒黑糖珍珠之外，最頂層仲有花生同芝麻，味道好夾！
整體口感豐富，難怪咁受歡迎啦！

INFO.
地址︰中環鴨巴甸街16A號地下

===============
珍煮丹 黑糖珍珠鮮奶
飲珍珠奶茶又點可以數漏佢呀！
香港係佢地第一間開設嘅海外分店~
珍珠係台灣自家工廠生產，而黑糖味都好突出！
係好懷念嘅台灣味道呀！
你仲可以自由選擇甜度同冰量㗎！

INFO.
地址：香港銅鑼灣利園山道15號

===============
放假去邊 更多好介紹:
快啲like我哋Facebook
同follow我哋Instagram啦!

*以上資訊只供參考，如有任何變化或更改均以現場情況或商戶決定為準*