fbpx

【農曆新年2024】九宮飛星2024!龍年家居風水佈置圖~財位/姻緣/文昌一次過睇!

2 月 9, 2024 | 香港, 熱話

九宮飛星龍年家居風水2024,想知邊個方位先係財位、姻緣同埋文昌?仲想喺新一年行好運同埋升職加薪?遠離是非避免疾病?咁就要參考以下家居風水佈局~

首先將家居分拆成九個方位,包括正東、正南、正西、正北、東南、西南、東北、西北及中宮!

首先同大家講下2024嘅喜慶位——西南方

今年西南方有九紫星九紫星代表喜慶,特別適合結婚、添丁、升職。各位蜜運中嘅男女想早日結婚生子,就不妨催旺西南方,單身人士就有助搵到男女朋友。打工仔同樣都可以催旺,咁樣可以加強工作機會同埋財運,提升晉升機會!


sponsor
sponsor

催旺物品: 紅色紫色物品,紫水晶。忌擺放魚缸、水種植物

==========



今年嘅桃花位就位於正東方,桃花代表愛情、人緣!如果工作需要同人接觸或者以跑數、見客同埋做生意為主,可以催旺正東方,增強貴人運同埋名氣。


催旺物品:鮮花(玫瑰除外)、水種植物、粉晶球、紅色/粉紅色物品

==========

至於財位就係正北方,想新年發大財就一定要催旺呢個位!除咗可以增強賺錢能力,同樣需要減低破財機會,因為咁先容易聚財。


催旺物品:八白玉串、聚寶盤、招財物件、紅色及黃色物品。

==========



而東北方都係屬於吉星方法,不過就係屬於偏財運,邊類人士屬於偏財運?例如:投資股票、收入唔穩定或者從事偏門職業人士。(注意:固定工作的打工仔,催旺正財運就可以)


催旺物品:黃水晶,開光龍龜/貔貅,金屬物品

==========


2024年西北方就係文昌位,主要係掌管學業、考試、進修,家中有小朋友讀書的話可以安排書檯或者擺放物品催旺,增強學習能力或者學業運,文職人士同樣適用,可以增加升職及事業運。



催旺物品:四支富貴竹,文昌塔,綠色物品

==========


唔想新年流流病?咁就要注意正西方——凶星,呢個位置係今年大病位!因為五黃星代表大病同埋意外,除咗個人容易病,同時精神狀態都比較差,落決定時候容易出現錯誤。

呢個位置擺放嘅物品宜靜不宜動,因為動的擺設會間接令到家中屋企人或者寵物都會較易生病。


化解物品:六帝錢、銅葫蘆、黑曜石
忌放物品:紅色及黃色物品,魚缸、寵物、植物。

==========



除咗正西方凶星病位之外,東南方都要注意,呢個係屬於小病位,需要留意床或者沙發位的擺放位置,稍有不慎就會造成今年嘅你換上感冒或者腸胃問題。

如睡房或梳化坐落在全屋的東南方,整年都較容易有傷風感冒和腸胃問題。

雖然沒有大病位般嚴重,但亦不可竹忽視,同樣地要留意宜靜不宜動。

==========

今年破財位喺正南方,2024年「七赤破軍星」飛臨正南方,主破財,七運的財星已完全過氣,沒有太大的作用。只要不特別去催旺就可以。

忌放物品:金屬物品

==========


而中宮就屬於
是非位,包括人事不和、是非及官非。但如果意外地催旺了是非位,亦會加強與家人和同事不和,容易說話得罪人。所以中宮亦要作適當化解,以減少人際關係問題。

化解物品:黑曜石,葫蘆,紅色物品
忌放物品:藍色及綠色物品

*以上資訊只供參考,如有任何變化或更改均以現場情況或商戶決定為準*

Klook.com
X