斯圖加特市位於德國西南部，係德國第四大城市，被稱為德國嘅文藝城。當地嘅圖書館都非常出名，由韓國設計師Eun Young Yi設計，1999年選出呢份設計圖後，2011年先正式完工啟用。純白色嘅巨大立方體外觀，一格格嘅方形窗，夜晚就好似著燈發光嘅樂高積木！

簡約設計也呼應Less is more嘅美學，加上東方藝術嘅「留白」哲學。內部以「白」作為主色調，門廊充滿電影感！

最具特色嘅係環型開放書牆，四方互連嘅樓梯，勁似《哈利波特》霍格華茲不停郁動嘅魔法樓梯，環狀通透嘅設計突顯咗室內空間嘅開闊，中空設計令全館采光十足，白色嘅主色亦令圖書館兼具俐落嘅現代感，成為「世界最美麗圖書館」之一。

*以上資訊只供參考，如有任何變化或更改均以現場情況或商戶決定為準*