深業上城位於深圳福田區，係一個集購物、美食、打卡於一身嘅網紅商場！商場有多個人氣品牌，當中包括︰喜茶、奈雪之茶、英皇戲院等等。商場劃分為生活體驗街、專為打卡而設嘅Loft小鎮、時尚購物街，好多嘢行。

https://www.instagram.com/p/CLkQ1PhFknW/

而商場嘅招牌打卡位就係顏色鮮艷嘅Loft小鎮！小鎮建於商場頂層，畀人一種開揚、舒適嘅感覺。當中亦有唔少色彩鮮艷嘅巨牆，強烈嘅對比色非常搶眼，只係簡單咁用手機影一影都已經可以影到靚相！

https://www.instagram.com/p/CLjbnrkln8g/

商場入面嘅商店空間感大，環境寬敞、舒適，影相影到攰時，行兩步就可以搵到唔同嘅靚靚餐廳、茶飲店，入去坐低休息一下，同朋友傾下計，真係一個值得推薦嘅假日好去處！

https://www.instagram.com/p/CLY1iZThJZT/

鍾意買嘢嘅你一定要行埋日貨Ole’ 超市，超市內有多款超平超抵產品，當中包括︰魚生、零食、護膚品、廚房用品等等，種類咁多，一定咁到啱你心水嘅貨品！深業上城有咁多嘢睇，真係玩全日都唔會悶，大家去深圳時記得要去埋呢個地方啦。

https://www.instagram.com/p/CLXRjPCAmj9/

深業上城
地址：深圳市福田區皇崗路5001號

*以上資訊只供參考，如有任何變化或更改均以現場情況或商戶決定為準*