上水廣場《逗福貓願城》過百隻招財貓9大打卡位！夜間和風貓影園+一站式辦年貨花見賀年祭貓奴必去！

By 放假去邊 Openholidays on 11 Feb 2026

各位鏟屎官、貓奴留意喇！新年想行大運、求財運，再打卡影靚相？上水廣場今年變身做超大型《逗福貓願城》，9大打卡位有過百隻招財貓等你「捕獲」！

今次主角係圓碌碌、勁可愛嘅日系吉祥物「阿吉」，佢會喺L2中庭坐鎮，帶埋 5大打卡位同大家拜年！一定要影嗰棵 5米高嘅「喵來COME願通天樹」，體驗電子許願活動，祈求新一年心想事成；再探埋2米高嘅「招福Make a Wish」阿吉、摸吓「招財滾滾POWER Ball」巨型貓抓球，包你新一年財源滾滾來，掂過碌蔗！唔好漏咗「福爪招財」打卡區呀，你可以走入打卡夾公仔機，同阿吉一齊捉住閃亮金元寶，馬年咩財都流唔出你手指罅啦～

唔止室內，仲有L5空中花園嘅「和風貓影園」一到夜晚，空中花園就會變身做光影秘境，唔講以為飛咗去京都！「祈願・貓之神社」係全港首個空中花園招財貓神社，「邂逅・貓影園」用光影同巨型和風燈籠勾勒出貓咪光影，「和風鞠影」有發光手鞠燈同紅色貓耳鳥居！同另一半或者閨蜜嚟影相，真係浪漫到暈，氣氛 100 分！當然唔少少「太鼓竹屋」，將將傳統竹藝同溫暖嘅燈光藝術完美融合，喺貓影太鼓下，靜靜祈願家宅平安～

打完卡梗係要掃貨啦！場內有個《花見．賀年祭》，匯聚咗一元堂海味、偉成洋酒、ABC Bakery 蘿蔔
糕、蘇太名醬XO醬、Katanuki年輪蛋糕……等等，一次過買齊賀年禮品，一站式辦年貨！
買滿 $800，即送 $100 電子券組合！
買滿 $2,800，送「新春開運福袋」，入面有紅燒鮑魚同花旗參片！
仲有招財貓DIY工作坊同財神巡遊，今個新年一於帶埋屋企人去上水廣場，探下「阿吉」兼帶走滿滿福氣啦！