香港回歸祖國28周年維園盛會 一連三日文化x創科裝置亮麗登場！三大展區亮點搶先看！

7.1假期唔駛諗去邊！一於去維園參加回歸慶典！由6月29日至7月1日，維園連續三日舉辦大型慶祝活動，免費入場，場內設有多個以「文化 x 創科」嘅大型打卡裝置，一齊睇下有咩亮點！

展區１. 打卡必到｜古代門樓+霓虹燈長廊
以中式門樓作入口、左右獅子鎮守，入場即刻被莊嚴又有氣勢嘅影象吸引；再走入霓虹燈長廊，感受色彩斑斕嘅視覺效果，加上智能機械人同仿生機械狗表演，猶如置身cyberpunk世界。

展區2. 五星隧道｜回歸後地標巡禮
靈感來自五星紅旗和國徽，隧道內展示咗回歸以來香港重要地標，展區內仲有巨型齒輪同禾穗裝置，寓意香港喺祖國帶領下一同進步。另外仲有本地懷舊大排檔、巨型蛋撻，比大家感受一下正宗香港飲食文化！

展區3. 超萌熊貓入侵！｜親親大熊貓展區
熊貓受盡全香港人寵愛，慶回歸點可以冇佢哋？「親親大熊貓」展區有兩米高嘅巨型熊貓同一百隻小熊貓裝置，可愛之餘仲融入咗光纖藝術，向光纖之父高錕致敬！

「維園慶回歸」
日期：6月29日至7月1日
時間：早上10時至晚上9時
地點：維多利亞公園4-6號足球場
入場：免費