【日本好去處】東京哈利波特影城聖誕限定 全新「霍格華茲 IN THE SNOW」夢幻登場！

臨近聖誕節，東京哈利波特影城將會推出一連串聖誕特別活動「霍格華茲 IN THE SNOW」，直至2025年1月5日先完結！

打算嚟緊去東京旅行嘅朋友，當然要把握時機去朝聖啦！

「霍格華茲 IN THE SNOW」首次喺東京登場，相當值得期待！

一踏進去，就係壯觀嘅霍格華茲大禮堂，

電影《哈利波特：神秘嘅魔法石》中四大學院公佈成績嘅場景將會重現眼前！

高達5米嘅聖誕樹將佇立於「大廣場」，

配上華麗嘅聖誕裝飾，

就連周圍嘅座位區都還原返電影中嘅復古設計～

左右兩側長檯亦擺滿咗傳統英國聖誕大餐，

包括：烤火雞、薯仔沙律、聖誕蛋糕等，相當豐富！

試幻想自己可以同鄧不利多一齊共享聖誕晚餐，

相信呢個會係每個哈利波特迷一直夢寐以求嘅事！

場內仲可以欣賞到霍格華茲1:24嘅模型，

每一細節位都係人手製作，相當精細！

配合埋雪景，令眼前所見嘅「哈利波特魔法世界」更加逼真！

場內嘅聖誕限定周邊商品亦同樣值得留意！

如哈利波特金探子造型朱古力、馬克杯、霍格華茲造型餅乾、毛衣等，

買嚟做手信就最好不過喇！

東京哈利波特影城2024
地址：〒179-0085 東京都練馬區早宮3-58

霍格華茲 in the snow｜ホグワーツ・イン・ザ・スノー
舉辦期間：2024年11月9日～2025年1月5日
官網：www.wbstudiotour.jp