【觀塘美食】駿運士多同區重開！人氣燒賣又有得食啦~

早前宣佈結業嘅駿運士多，好快喺同區覓得店鋪重開！店內燒賣深受附近打工仔歡迎，另外燒賣關注組都大力推介～加上都真係幾抵食，$10有8粒燒賣，性價比高！

店內有兩款燒賣，包括魚肉燒賣及豬肉燒賣。小店用蒸籠蒸，魚肉燒賣比較出色，煙韌彈牙！配上辣油及豉油，幾惹味！

豬肉燒賣都唔錯～帶豬油香，有香菇粒及馬蹄粒，口感比較豐富。

朝早食返碗燒賣，個人都醒神啲～店內都有其他小食，包括粉果，腸粉～

鍾意食燒賣嘅，下次去觀塘記得篤返串燒賣先啦～不過想食就要早啲去啦，平日下午3點魚肉燒賣就會售罄。

駿運士多新店
地址：觀塘觀塘道410號觀點中心地下
開業時間：待定

圖片來源：@eatwithjojohnny